హసన్పర్తి, 2026-08-05
భూముల రీ సర్వే నిర్వహణ ద్వారా ఎన్నో ఏళ్లుగా పెండింగ్లో ఉన్న భూ సమస్యలకు శాశ్వత పరిష్కారం లభిస్తుందని జిల్లా కలెక్టర్ భవేశ్ మిశ్రా అన్నారు. బుధవారం సోన్ మండలంలోని న్యూ పోచంపాడ్ గ్రామంలో జరుగుతున్న భూముల రీ సర్వే ప్రక్రియను కలెక్టర్ క్షేత్రస్థాయిలో పరిశీలించారు.
భూముల రీ సర్వే నిర్వహణ ద్వారా ఎన్నో ఏళ్లుగా పెండింగ్లో ఉన్న భూ సమస్యలకు శాశ్వత పరిష్కారం లభిస్తుందని జిల్లా కలెక్టర్ భవేశ్ మిశ్రా అన్నారు. బుధవారం సోన్ మండలంలోని న్యూ పోచంపాడ్ గ్రామంలో జరుగుతున్న భూముల రీ సర్వే ప్రక్రియను కలెక్టర్ క్షేత్రస్థాయిలో పరిశీలించారు.
ప్రభుత్వ ప్రతిష్ఠాత్మక కార్యక్రమం
ముందుగా గ్రామ పంచాయతీ కార్యాలయంలో నిర్వహించిన సమావేశంలో ఆయన మాట్లాడుతూ, భూ వివాదాలకు పరిష్కారం చూపేందుకు ప్రభుత్వం ప్రతిష్ఠాత్మకంగా రీ సర్వే కార్యక్రమాన్ని చేపట్టిందన్నారు. రీ సర్వే ప్రక్రియ విజయవంతం కావాలంటే రైతులు సర్వే సమయంలో తప్పనిసరిగా తమ భూముల వద్ద అందుబాటులో ఉండి అధికారులకు సహకరించాలని సూచించారు.
అధికారులకు ఆదేశాలు
సర్వే ప్రక్రియను త్వరితగతిన, పారదర్శకంగా పూర్తి చేయాలని సంబంధిత అధికారులను ఆదేశించారు. గ్రామానికి సంబంధించిన భూముల వివరాలు, ఇప్పటివరకు నిర్వహించిన సర్వే పురోగతిపై అధికారులను అడిగి తెలుసుకున్న కలెక్టర్, రైతు భూమిలో జరుగుతున్న రీ సర్వేను ప్రత్యక్షంగా పరిశీలించారు. ఒక ఎకరం భూమి సర్వేకు ఎంత సమయం పడుతుందనే వివరాలను కూడా అధికారులను అడిగి తెలుసుకున్నారు.
పారదర్శకతతో పూర్తి చేయాలి
రైతులకు ఎలాంటి ఇబ్బందులు లేకుండా పారదర్శకంగా రీ సర్వే పూర్తి చేయాలని అధికారులకు సూచించారు. ఈ కార్యక్రమంలో అదనపు కలెక్టర్ (రెవెన్యూ) కిషోర్ కుమార్, ఏడి ల్యాండ్ సర్వే అండ్ రికార్డ్స్ నరసింహమూర్తి, తహసీల్దార్ సంతోష్, ఎంపీడీవో రామకృష్ణ, సర్పంచ్ సాగర్, ఇతర అధికారులు, సిబ్బంది పాల్గొన్నారు.
