కుటుంబ విలువలు, మహిళా గౌరవం పరిరక్షణకు చట్టాల అమలు బలోపేతం చేయాలి: మే…

భారతీయ సమాజంలో వివాహ వ్యవస్థ, కుటుంబ బంధాలు, మహిళ గౌరవానికి విశిష్ట స్థానం ఉందని రాష్ట్రీయ ప్రజా కాంగ్రెస్ అధ్యక్షులు మేడా శ్రీనివాస్ పేర్కొన్నారు. కుటుంబ వ్యవస్థ పరిరక్షణకు వివాహ చట్టాలను సమర్థవంతంగా అమలు చేయాల్సిన అవసరం ఉందని, ప్రస్తుత చట్టాల అమలులో ఉన్న లోపాలను సరిదిద్ది, చట్టబద్ధమైన దాంపత్య బంధాలకు మరింత రక్షణ కల్పించాలని ఆయన అభిప్రాయపడ్డారు.

భారతీయ సమాజంలో వివాహ వ్యవస్థ, కుటుంబ బంధాలు, మహిళ గౌరవానికి విశిష్ట స్థానం ఉందని రాష్ట్రీయ ప్రజా కాంగ్రెస్ అధ్యక్షులు మేడా శ్రీనివాస్ పేర్కొన్నారు. కుటుంబ వ్యవస్థ పరిరక్షణకు వివాహ చట్టాలను సమర్థవంతంగా అమలు చేయాల్సిన అవసరం ఉందని ఆయన అన్నారు.

ప్రస్తుత చట్టాల అమలులో ఉన్న లోపాలను సరిదిద్ది, చట్టబద్ధమైన దాంపత్య బంధాలకు మరింత రక్షణ కల్పించాలని ఆయన అభిప్రాయపడ్డారు. కుటుంబ విలువలు బలహీనపడితే సామాజిక సమస్యలు పెరిగే అవకాశం ఉందని తెలిపారు.

కుటుంబ విభేదాలు, బాధ్యతారాహిత్యం, వ్యసనాలు, అక్రమ సంబంధాలు వంటి అంశాలు కొన్ని నేరాలకు కారణమవుతున్నాయని, అయితే ప్రతి నేరానికి పరిస్థితులు వేర్వేరుగా ఉంటాయని, వాటిని చట్టపరంగా సమగ్రంగా విచారించాల్సిన అవసరం ఉందని ఆయన పేర్కొన్నారు.

పిల్లల వ్యక్తిత్వ వికాసంలో తల్లిదండ్రుల పాత్ర, కుటుంబ వాతావరణం, విద్య, సత్సంగం కీలకమని మేడా శ్రీనివాస్ తెలిపారు. చిన్ననాటి నుంచే నైతిక విలువలు, క్రమశిక్షణ, పరస్పర గౌరవం పెంపొందిస్తే సమాజం మరింత బలోపేతం అవుతుందని ఆయన చెప్పారు.

మహిళల గౌరవ పరిరక్షణ, కుటుంబ విలువల సంరక్షణ, వ్యసనాల నిర్మూలన కోసం ప్రభుత్వం, సమాజం, ప్రజలు కలిసి పనిచేయాల్సిన అవసరం ఉందని ఆయన పిలుపునిచ్చారు.