బోథ్ (మనోరంజని తెలుగు టైమ్స్) జూలై 07
ప్రజాస్వామ్యానికి పునాది అయిన ఓటరు జాబితా సవరణ (ఎస్ఐఆర్) ప్రక్రియలో అప్రమత్తంగా ఉండాలని సిరికొండ మండల కాంగ్రెస్ పరిశీలకుడు ఏలేటి అశ్విన్ రెడ్డి పార్టీ శ్రేణులకు సూచించారు. అర్హులైన ప్రతి ఓటరు పేరు జాబితాలో చేరేలా అధికారులు నిష్పక్షపాతంగా వ్యవహరించాలని ఆయన కోరారు.
ప్రజాస్వామ్యాన్ని బలోపేతం చేసే ప్రత్యేక ఓటరు జాబితా సవరణ (ఎస్ఐఆర్) ప్రక్రియలో పార్టీ శ్రేణులు అప్రమత్తంగా ఉండాలని సిరికొండ మండల కాంగ్రెస్ పరిశీలకుడు ఏలేటి అశ్విన్ రెడ్డి అన్నారు. మంగళవారం సిరికొండలో కొనసాగుతున్న ఎస్ఐఆర్ ఎన్యుమరేషన్ ప్రక్రియను స్థానిక కాంగ్రెస్ నాయకులతో కలిసి ఆయన పరిశీలించారు. ఈ సందర్భంగా 158వ పోలింగ్ కేంద్రంలో బూత్ స్థాయి అధికారి, పార్టీ నియమిత ప్రతినిధి గోర్బాండ్ సంజయ్తో కలిసి రోజువారీ వివరాలను సమీక్షించారు.
ఈ సందర్భంగా ఆయన మాట్లాడుతూ, ఓటు ప్రజాస్వామ్యానికి పునాదని, ప్రతి అర్హుడైన ఓటరు పేరు జాబితాలో ఉండేలా అధికారులు పారదర్శకంగా, నిష్పక్షపాతంగా ప్రక్రియ నిర్వహించాలని కోరారు. అర్హులైన ప్రతి ఒక్కరూ తమ వివరాలను సక్రమంగా నమోదు చేసుకోవాలని, ఇంటింటికీ వెళ్లి వివరాలు సేకరిస్తున్న సిబ్బందికి ప్రజలు సహకరించాలని విజ్ఞప్తి చేశారు.
సిరికొండ మండలంలో ఇప్పటికే 70 నుంచి 80 శాతం వరకు ఎస్ఐఆర్ ప్రక్రియ పూర్తయిందని, మిగిలిన ప్రక్రియను మరింత వేగవంతంగా పూర్తి చేయాలని పార్టీ శ్రేణులకు సూచించారు. ఓటరు జాబితాలో గందరగోళం సృష్టించి రాజకీయ లబ్ధి పొందే ప్రయత్నాలను ప్రజలు తిప్పికొట్టాలని ఆయన అన్నారు.
తెలంగాణలో ప్రజాస్వామ్య వ్యతిరేక రాజకీయాలకు తావులేదని ఏలేటి అశ్విన్ రెడ్డి స్పష్టం చేశారు. ఎస్ఐఆర్ ప్రక్రియ పూర్తయ్యే వరకు పార్టీ కార్యకర్తలు, పార్టీ నియమిత ప్రతినిధులు అప్రమత్తంగా ఉండాలని ఆయన పిలుపునిచ్చారు.
ఈ కార్యక్రమంలో మండల కాంగ్రెస్ అధ్యక్షుడు కంచం లక్ష్మణ్, మండల సర్పంచుల సంఘం అధ్యక్షుడు బొడ్డు దత్తాత్రి, జిల్లా కాంగ్రెస్ కార్యదర్శి ఇమామ్, మైనార్టీ చైర్మన్ రంజాన్, రాంపూర్ సర్పంచ్ ప్రవీణ్, కొండాపూర్ సర్పంచ్ లక్ష్మణ్, ఉపసర్పంచ్ బాదు పటేల్, మాజీ జడ్పీటీసీ చంద్రకళ రఘురాం, మాజీ మండల అధ్యక్షుడు ఎస్కే ఇమామ్, సదానందం, రామారావు, రషీద్, గజానంద్, ముక్రం, గేడం దత్తు, బోథ్ నియోజకవర్గ యువజన కాంగ్రెస్ ఉపాధ్యక్షుడు గుడాల అనీష్, సోనాల మండల అధ్యక్షుడు గాజుల పోతన్న, కసిరే పోతన్న, కిషన్, నరేష్ రెడ్డి, గోపుల శివ, నడికుంట ప్రవీణ్, రాంలక్ష్మణ్ గౌడ్, మనోజ్, సతీష్ తదితరులు పాల్గొన్నారు.
