హైదరాబాద్, 3 September
రోడ్డుపై వాహనం ఢీకొని ఒక కుక్క మృతి చెందిన ఘటన మనసును కలచివేస్తోంది. అయితే, మరణించిన తోటి కుక్క వద్దకు ఇతర కుక్కలు రాకపోవడం ఆలోచింపజేస్తోంది. చనిపోయిన కుక్కను చూసేందుకు ఇతర కుక్కలు ఎందుకు రాలేదు అనే ప్రశ్నకు సమాధానంగా ఒక ఆసక్తికరమైన సామాజిక సందేశం ఈ ఘటనలో కనిపిస్తోంది.
కుక్క కోటీశ్వరురాలు.. కానీ చివరికి రోడ్డుపైనే ఒంటరి మరణం..! ఇతర కుక్కలు ఎందుకు రాలేదు..? ఆహారం దాచుకున్నది.. కానీ ఆప్యాయతను పొందలేకపోయింది ఆ కుక్క.! రోడ్డుపై ప్రమాదవశాత్తు వాహనం కింద పడి ఓ కుక్క మృతి చెందిన దృశ్యం మనసును కలచివేస్తోంది. అయితే ఆ కుక్క చుట్టూ మరో కుక్క కనిపించకపోవడం మాత్రం ఆలోచింపజేస్తోంది.చనిపోయిన తోటి కుక్కను చూసేందుకు ఇతర కుక్కలు ఎందుకు రాలేదు.? అనే ప్రశ్నకు సమాధానంగా ఒక ఆసక్తికరమైన సామాజిక సందేశం ఈ ఘటనలో కనిపిస్తోంది. తనకు దొరికిన ఆహారాన్ని పంచుకోవడం కాకుండా.. ఇతర కుక్కల నోటికాడి బుక్కలను సైతం బెదిరించి లాక్కొని తినడం, దొరికిన ఆహారాన్ని దాచుకోవడం.. ఇలా “నాదే.. నాకే” అన్నట్టుగా జీవించిన కుక్కకు చివరి క్షణాల్లో మాత్రం తోడుగా నిలిచే కుక్కలు కనిపించలేదు. కడుపు నింపుకోవడానికి ఆహారం సంపాదించింది..భవిష్యత్తు కోసం ఆహారం దాచుకుంది..కానీ ఆప్యాయతను, స్నేహాన్ని మాత్రం సంపాదించుకోలేకపోయింది.! అందుకే ఇది కేవలం ఓ కుక్క మరణం కాదు.. “సంపాదించినది ఎంత ఉన్నా, పంచుకోకపోతే చివరికి ఒంటరితనమే మిగులుతుంది” అనే బలమైన సందేశాన్ని ఇచ్చే దృశ్యంగా మారింది. అయితే ఇతర కుక్కలు ఎందుకు రాలేదన్నది ఖచ్చితంగా చెప్పలేం. కుక్కల ప్రవర్తన పరిస్థితులు, ప్రాంతీయ ఆధిపత్యం, భయం వంటి అనేక కారణాలపై ఆధారపడి ఉంటుంది. రోడ్లపై జంతువులు ఉండటం వల్ల ప్రమాదాల ముప్పు కూడా ఉంటుంది. చివరి సందేశం:ఆహారం దాచుకుంటే కడుపు నిండుతుంది..ఆప్యాయత పంచుకుంటే మనసు నిండుతుంది..సంపాదించినది మిగులుతుందేమో కానీ..పంచుకున్న ప్రేమే చివరికి మన వెంట నిలుస్తుంది...!
