రాజన్న సిరిసిల్ల, ఆగస్టు 1
రాజన్న సిరిసిల్ల జిల్లా బోయినిపల్లి మండలం విలాసాగర్ గ్రామంలో శనివారం గ్రామ సర్పంచ్ ఏనుగుల కనకయ్య ఆధ్వర్యంలో పలు అభివృద్ధి, సంక్షేమ కార్యక్రమాలు నిర్వహించారు. భూగర్భ జలాల పరిరక్షణ లక్ష్యంగా ఇంకుడుగుంతల కార్యక్రమాన్ని ప్రారంభించడంతో పాటు, అర్హులకు ఐమాస్ లైట్లు, పశువుల పాకల నిర్మాణానికి చెక్కులు అందజేశారు.
రాజన్న సిరిసిల్ల జిల్లా బోయినిపల్లి మండలం విలాసాగర్ గ్రామంలో శనివారం గ్రామ సర్పంచ్ ఏనుగుల కనకయ్య ఆధ్వర్యంలో పలు అభివృద్ధి, సంక్షేమ కార్యక్రమాలు నిర్వహించారు.
గ్రామంలో భూగర్భ జలాల పరిరక్షణ, వర్షపు నీటి సంరక్షణ లక్ష్యంగా ఇంకుడుగుంతల కార్యక్రమాన్ని ప్రారంభించారు. ఈ సందర్భంగా గ్రామ ప్రజలకు నీటి సంరక్షణ ప్రాముఖ్యతపై అవగాహన కల్పించారు.
అనంతరం గ్రామంలోని మూడో వార్డులో అర్హులైన లబ్ధిదారులకు ఐమాస్ లైట్లను పంపిణీ చేశారు. ఈ లైట్లతో ప్రజలకు మెరుగైన వెలుతురు సౌకర్యం అందుబాటులోకి వస్తుందని సర్పంచ్ ఏనుగుల కనకయ్య తెలిపారు.
అదేవిధంగా పశుసంవర్థక రంగాన్ని ప్రోత్సహించే ఉద్దేశంతో అర్హులైన లబ్ధిదారులకు పశువుల పాకల నిర్మాణం కోసం చెక్కులను అందజేశారు. ప్రభుత్వం అమలు చేస్తున్న సంక్షేమ పథకాలు ప్రతి అర్హుడికి చేరేలా కృషి చేస్తున్నామని సర్పంచ్ పేర్కొన్నారు.
ఈ కార్యక్రమంలో గ్రామ ఉపసర్పంచ్ పొత్తూరి శైలజ, వార్డు సభ్యులు దమ్మ వెంకటరమణ, జోగు శంకర్, గంగాదర శ్రీకాంత్, దయ్యాల రేణుక, కాంగ్రెస్ సీనియర్ నాయకులు ఏనుగుల ప్రశాంత్ కుమార్, కల్లెపెల్లి సతీష్, సాగరం కనకయ్య, మండల అధికారులు, లబ్ధిదారులు, గ్రామస్థులు పాల్గొన్నారు.
