జవహర్నగర్ ప్రాంతానికి చెందిన బీటెక్ విద్యార్థి యావన్ (23)ను, ప్రేమించిన యువతి బంధువులు నడిరోడ్డుపై కత్తులతో దాడి చేసి దారుణంగా హత్య చేశారు. ఈ ఘటన సికింద్రాబాద్లో తీవ్ర కలకలం రేపింది.
గత నాలుగేళ్లుగా సీతాఫల్మండి ప్రాంతానికి చెందిన యువతిని ప్రేమిస్తున్న యావన్, యువతి తల్లిదండ్రుల హెచ్చరికలను పట్టించుకోకుండా ఆమెను కలుస్తూనే ఉన్నాడు. ఈ నేపథ్యంలోనే నిన్న రాత్రి ఆరుగురు దుండగులు మూడు ద్విచక్ర వాహనాలపై వచ్చి యావన్పై కత్తులతో విచక్షణారహితంగా దాడి చేశారు.
దుండగుల నుంచి తప్పించుకునే ప్రయత్నంలో యావన్ బయటకు వచ్చినా, వారు వదలకుండా నడిరోడ్డుపైనే దాడి కొనసాగించారు. ఈ దాడిలో యావన్ 17 చోట్ల కత్తిపోట్లకు గురై అక్కడికక్కడే మృతి చెందాడు. ఈ ఘటనతో ఆ ప్రాంతంలో భయాందోళనలు నెలకొన్నాయి.
యువకుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేసుకున్నారు. సంఘటనా స్థలాన్ని పరిశీలించి, ఆధారాలు సేకరించారు. నిందితులను గుర్తించి, వారిని పట్టుకునేందుకు ప్రత్యేక బృందాలను ఏర్పాటు చేసి గాలింపు చర్యలు ముమ్మరం చేశారు.
ప్రేమ వ్యవహారంలో జరిగిన ఈ దారుణ హత్యపై పోలీసులు లోతుగా దర్యాప్తు చేస్తున్నారు. నిందితులను త్వరగా అరెస్ట్ చేసి చట్ట ప్రకారం శిక్ష పడేలా చర్యలు తీసుకోవాలని కుటుంబ సభ్యులు కోరుతున్నారు.
