ఐ. పోలవరం, 15-07-2026
వైరా నియోజకవర్గ శాసనసభ్యులు శ్రీ మాలోత్ రాందాస్ నాయక్, భారత ఎన్నికల కమిషన్ చేపట్టిన ప్రత్యేక ఓటరు జాబితా సవరణ (SIR) కార్యక్రమం పురోగతిపై బీఎల్వోలతో సమీక్ష సమావేశం నిర్వహించారు. అర్హులైన ప్రతి ఒక్కరి పేరు జాబితాలో చేరేలా చూడాలని, ఓటర్లు తమ ఓటు హక్కును పరిరక్షించుకోవాలని ఆయన సూచించారు.
వైరా పట్టణం మరియు రూరల్ పరిధిలో భారత ఎన్నికల కమిషన్ చేపట్టిన ప్రత్యేక ఓటరు జాబితా సవరణ (SIR) కార్యక్రమం పురోగతిపై గౌరవ వైరా నియోజకవర్గ శాసనసభ్యులు శ్రీ మాలోత్ రాందాస్ నాయక్ గారు బీఎల్వోలతో సమీక్ష సమావేశం నిర్వహించారు.
ఈ సందర్భంగా ఎమ్మెల్యే రాందాస్ నాయక్ గారు మాట్లాడుతూ, ప్రజాస్వామ్య వ్యవస్థలో ప్రతి ఓటు ఎంతో విలువైనదని అన్నారు. అర్హులైన ప్రతి ఒక్కరి పేరు ఓటరు జాబితాలో నమోదు అయ్యేలా బీఎల్వోలు ప్రత్యేక శ్రద్ధ తీసుకోవాలని సూచించారు. ఇంటింటికి వెళ్లి ఓటర్లను కలుసుకుని అవసరమైన ఫారాలను నింపించి, ఓటరు జాబితా సవరణ ప్రక్రియను సమర్థవంతంగా నిర్వహించాలని ఆదేశించారు.
అలాగే ఓటర్లకు అవగాహన కల్పిస్తూ, తమ ఓటును తాము రక్షించుకోవాల్సిన బాధ్యత ప్రతి పౌరుడిపై ఉందన్నారు. ఎస్ఐఆర్ ప్రక్రియలో ప్రజలు పూర్తిగా సహకరించి, అవసరమైన వివరాలను బీఎల్వోలకు అందజేసి తమ ఓటు హక్కును పరిరక్షించుకోవాలని పిలుపునిచ్చారు.
ప్రజాస్వామ్య పరిరక్షణలో ఓటు కీలకమైన ఆయుధమని, ప్రతి అర్హుడైన ఓటరు జాబితాలో పేరు నమోదు చేసుకుని ఎన్నికల ప్రక్రియలో భాగస్వాములు కావాలని ఎమ్మెల్యే రాందాస్ నాయక్ గారు కోరారు.
