బోథ్ (మనోరంజని తెలుగు టైమ్స్) జూలై 08
బోథ్ పట్టణంలో వనమహోత్సవాన్ని పురస్కరించుకుని రాష్ట్ర ప్రభుత్వం చేపట్టిన ఇంటింటికీ మొక్కల పంపిణీ కార్యక్రమం సాయి నగర్ కాలనీలో ప్రారంభమైంది. ఈ కార్యక్రమంలో పాల్గొన్న గ్రామపంచాయతీ సర్పంచ్ శ్రీమతి కుర్మే అన్నపూర్ణ మహేందర్, ప్రతి కుటుంబం మొక్కలు నాటి సంరక్షించాలని ప్రజలకు పిలుపునిచ్చారు. పర్యావరణ పరిరక్షణ అందరి బాధ్యత అని నాయకులు ఉద్ఘాటించారు.
రాష్ట్ర ప్రభుత్వం ప్రతిష్ఠాత్మకంగా నిర్వహిస్తున్న వనమహోత్సవ కార్యక్రమంలో భాగంగా బోథ్ పట్టణంలోని సాయి నగర్ కాలనీలో ఇంటింటికి మొక్కల పంపిణీ కార్యక్రమాన్ని ఈరోజు ప్రారంభించారు. ఈ కార్యక్రమంలో బోథ్ గ్రామపంచాయతీ సర్పంచ్ శ్రీమతి కుర్మే అన్నపూర్ణ మహేందర్ పాల్గొని ప్రతి ఇంటి వద్ద మొక్కలను పంపిణీ చేశారు. ప్రతి కుటుంబం ఒక మొక్కను నాటి సంరక్షించాలని ఆమె ప్రజలకు పిలుపునిచ్చారు.
ఈ సందర్భంగా రాష్ట్ర ప్రభుత్వం చేపట్టిన హరిత కార్యక్రమాలను ప్రజలు విజయవంతం చేయాలని, పర్యావరణ పరిరక్షణ ప్రతి ఒక్కరి బాధ్యత అని నాయకులు పేర్కొన్నారు.
ఈ కార్యక్రమంలో టీపీసీసీ ఎస్సీ సెల్ రాష్ట్ర ఉపాధ్యక్షుడు కుర్మే మహేందర్, బోథ్ మండల కన్వీనర్ మేరుగు భోజన్న, కాంగ్రెస్ నాయకులు బారే నాగేందర్, సన్నీ రెడ్డి, బొజ్జ సాయన్న, బోథ్ గ్రామపంచాయతీ కార్యదర్శి అశోక్, టెక్నికల్ అసిస్టెంట్ మధు, బోథ్ పట్టణ వార్డ్ సభ్యులు కట్కూరి సాయి, మెడిచల్మ ప్రవీణ్, పద్మారావు, గ్రామపంచాయతీ సిబ్బంది, కాలనీవాసులు పాల్గొన్నారు.
