నేచర్ వెల్ఫేర్ కౌన్సిల్ నల్లగొండ జిల్లా నూతన చైర్పర్సన్గా బొమ్మిరెడ్డి లీలారెడ్డిని నియమిస్తూ నేషనల్ చైర్మన్ రాహుల్ ద్వివేది ఉత్తర్వులు జారీ చేశారు. సామాజిక సేవా దృక్పథం, పర్యావరణ పరిరక్షణకు ఆమె చేస్తున్న కృషిని ఈ నియామకానికి కారణంగా పేర్కొన్నారు.
రైతు కుటుంబానికి చెందిన లీలారెడ్డి, పర్యావరణ పరిరక్షణ తన ప్రధాన లక్ష్యమని, పంచభూతాల సంరక్షణతో నల్లగొండ జిల్లాను "గ్రీన్ నల్లగొండ జిల్లా"గా అభివృద్ధి చేయడమే తన ధ్యేయమని తెలిపారు.
జిల్లాలో 10 లక్షల మొక్కలు నాటడంతో పాటు, నీటి కాలుష్యాన్ని నియంత్రించడానికి కృషి చేస్తానని ఆమె పేర్కొన్నారు. ఈ లక్ష్యాలను సాధించడానికి తన వంతు కృషి చేస్తానని ఆమె హామీ ఇచ్చారు.
తన నియామకానికి సహకరించిన తెలంగాణ నేచర్ వెల్ఫేర్ కౌన్సిల్ చైర్మన్ జనతా రామ్, ఆంధ్రప్రదేశ్ నేచర్ వెల్ఫేర్ కౌన్సిల్ చైర్మన్ అంబటి నవ కుమార్, తెలంగాణ నేచర్ వెల్ఫేర్ కౌన్సిల్ వైస్ చైర్మన్ సతీష్ వంగల, తెలంగాణ ఫుడ్ కమిషన్ మెంబర్ ఎస్. నాగయ్యలకు ఆమె కృతజ్ఞతలు తెలియజేశారు.
