ప్రపంచ పులుల దినోత్సవం: జామ్ పాఠశాలలో విద్యార్థులకు వ్యాసరచన, చిత్రలే…

నిర్మల్, జూలై 28

ప్రపంచ పులుల దినోత్సవం పురస్కరించుకొని నిర్మల్ జిల్లా సారంగాపూర్ మండలంలోని జామ్ జిల్లా పరిషత్ ఉన్నత పాఠశాలలో అటవీ శాఖ ఆధ్వర్యంలో విద్యార్థులకు వ్యాసరచన, చిత్రలేఖన పోటీలు నిర్వహించారు. ఈ కార్యక్రమం ద్వారా విద్యార్థుల్లో సృజనాత్మకతతో పాటు వన్యప్రాణి సంరక్షణపై అవగాహన పెంపొందించారు.

ప్రపంచ పులుల దినోత్సవం (జూలై 29) సందర్భంగా సారంగాపూర్ మండలంలోని జిల్లా పరిషత్ ఉన్నత పాఠశాల జామ్‌లో అటవీ శాఖ ఆధ్వర్యంలో విద్యార్థులకు వ్యాసరచన, చిత్రలేఖన పోటీలు నిర్వహించారు. ఈ సందర్భంగా మహమ్మద్ నజీర్ ఖాన్ (డిప్యూటీ రేంజ్ ఆఫీసర్, సారంగాపూర్) మాట్లాడుతూ, ఇటువంటి కార్యక్రమాలు విద్యార్థుల్లో సృజనాత్మకతను పెంపొందించడంతో పాటు పర్యావరణ పరిరక్షణ, వన్యప్రాణుల సంరక్షణ, పులుల ప్రాధాన్యతపై అవగాహన కల్పిస్తాయని తెలిపారు.

భవిష్యత్ తరాలు ప్రకృతి, అడవులు, వన్యప్రాణుల సంరక్షణలో భాగస్వాములు కావాలని ఆయన పిలుపునిచ్చారు.

ఈ కార్యక్రమంలో పాఠశాల ప్రధానోపాధ్యాయులు, ఉపాధ్యాయులు, వెన్నెల సుజాత, అటవీ శాఖ బీట్ అధికారులు, విద్యార్థులు పాల్గొన్నారు.