తానూర్, జులై 24
జాతీయ స్థాయిలో తానూర్ మండల ఖ్యాతిని పెంచిన బి. లౌఖ్య అనే బాలిక కూచిపూడి, భరతనాట్యంలో అద్భుత ప్రతిభ కనబరిచింది. తిరుపతిలో జరిగిన 26వ జాతీయ స్థాయి వార్షికోత్సవ పోటీల్లో ఆమె నృత్య విన్యాసాలు అందరినీ ఆకట్టుకున్నాయి. భైంసాలోని ప్రముఖ డ్యాన్స్ స్కూల్లో శిక్షణ పొందుతున్న లౌఖ్య, తన ప్రదర్శనలకు న్యాయనిర్ణేతల ప్రశంసలు అందుకుంది.
అద్భుతమైన నృత్యకళతో జాతీయ స్థాయిలో తానూర్ మండల పేరును ప్రాచుర్యంలోకి తెచ్చింది బి. లౌఖ్య. ఇటీవల తిరుపతిలో 'అభినవ్ ఆర్ట్స్' ఆధ్వర్యంలో ఎంతో ఘనంగా నిర్వహించిన 26వ జాతీయ స్థాయి వార్షికోత్సవ పోటీల్లో ఈ చిన్నారి తన నృత్య విన్యాసాలతో ప్రతిభ చాటి అందరినీ మంత్రముగ్ధులను చేసింది.
భైంసాలోని ప్రముఖ డ్యాన్స్ స్కూల్లో శిక్షణ పొందుతున్న లౌఖ్య.. కూచిపూడి, భరతనాట్యం విభాగాల్లో ప్రదర్శించిన శ్రద్ధా సక్తులకు, భావోద్వేగ ప్రకటనలకు న్యాయనిర్ణేతలు నీరాజనాలు పలికారు. ఆమె నృత్య ప్రతిభకు ముగ్ధులైన నిర్వాహకులు, వేదికపై ప్రశంసాపత్రంతో పాటు జ్ఞాపికను అందజేసి ఘనంగా సత్కరించారు.
ప్రస్తుతం తానూర్ మండల కేంద్రంలోని వాగ్దేవి విద్యానికేతన్ పాఠశాలలో 10వ తరగతి చదువుతున్న లౌఖ్య, చదువుతో పాటు లలిత కళల్లోనూ ఇంతటి ఉన్నత స్థాయి గుర్తింపు తెచ్చుకోవడంపై పాఠశాల యాజమాన్యం, ఉపాధ్యాయులు హర్షం వ్యక్తం చేశారు. జాతీయ స్థాయిలో పాఠశాలకు, ప్రాంతానికి మంచి పేరు తెచ్చిన లౌఖ్య ను ప్రత్యేకంగా అభినందిస్తూ, భవిష్యత్తులో ఆమె మరిన్ని శిఖరాలను అధిరోహించాలని ఆకాంక్షించారు.
