పసిపాప మరణం: హత్య కేసు నమోదు చేయాలని ఆదివాసి కాంగ్రెస్ డిమాండ్

కుమ్మెర జాతరలో దర్శనం టికెట్‌కు రసీదు అడిగిన దళిత రజక కుటుంబాలపై పెత్తందారులు దాడి చేశారని, ఈ క్రమంలో పసిపాప మరణించిందని ఆరోపణలున్నాయని గోవింద్ నాయక్ తెలిపారు. బాధితుల ఫిర్యాదులను పక్కనపెట్టి, పెత్తందారుల ఫిర్యాదులపై రివర్స్ కేసులు నమోదు చేయడం ప్రజాస్వామ్యానికి విరుద్ధమని ఆయన అన్నారు.

చట్టాన్ని అమలు చేయాల్సిన పోలీసులు పెత్తందారులకు మద్దతుగా వ్యవహరించడం సరికాదని, ఈ ఘటనలో బాధ్యులైన సీఐ, ఎస్ఐతో పాటు ఇతర పోలీసు అధికారులను వెంటనే విధుల నుంచి తొలగించి, శాఖాపరమైన చర్యలు తీసుకోవాలని ఆయన డిమాండ్ చేశారు.

ప్రభుత్వం బాధిత కుటుంబానికి తక్షణ ఆర్థిక సాయం అందించాలని, అండగా నిలవాలని గోవింద్ నాయక్ విజ్ఞప్తి చేశారు. ఈ ఘటనపై పూర్తి స్థాయి విచారణ జరిపి, దోషులను కఠినంగా శిక్షించాలని ఆయన ప్రభుత్వాన్ని కోరారు.