కుంటాల మండలంలో ఓటరు జాబితా ప్రత్యేక సంక్షిప్త సవరణ (SIR 2026) కార్యక్రమాన్ని విజయవంతం చేయడానికి బూత్ లెవెల్ అధికారులకు (BLOs) ప్రత్యేక కిట్లను తహసీల్దార్ ఆడే కమల్ సింగ్ పంపిణీ చేశారు.
మండల కేంద్రంలోని తహసీల్దార్ కార్యాలయంలో జరిగిన ఈ కార్యక్రమంలో, బీఎల్ఓలు బాధ్యతాయుతంగా పనిచేయాలని తహసీల్దార్ సూచించారు. అర్హులైన ప్రతి ఒక్కరికీ ఓటు హక్కు కల్పించడమే లక్ష్యంగా పనిచేయాలని ఆయన నొక్కి చెప్పారు.
ఓటరు జాబితాలో కొత్త పేర్ల నమోదు, తప్పుల సవరణ, మరణించిన వారి పేర్లను తొలగించడం వంటి పనులను ఎలాంటి పొరపాట్లు లేకుండా పారదర్శకంగా పూర్తి చేయాలని బీఎల్ఓలను ఆదేశించారు.
ఎన్నికల సంఘం మార్గదర్శకాలకు అనుగుణంగా క్షేత్రస్థాయిలో సర్వేలు నిర్వహించి, ఓటరు జాబితాను పక్కాగా రూపొందించాలని సూచనలు జారీ చేశారు.
ఈ కార్యక్రమంలో రెవెన్యూ సిబ్బంది, మండలంలోని బీఎల్ఓలు పాల్గొన్నారు.
