అనంతపురం, 31 July
అనంతపురం జిల్లాకు చెందిన రంజీ క్రికెటర్ మచ్చా దత్త రెడ్డి సీనియర్ అంతర్ జిల్లాల క్రికెట్ టోర్నమెంట్లో కడప జట్టుపై అద్భుతమైన సెంచరీతో ఆకట్టుకున్నారు. 108 పరుగులతో జట్టుకు భారీ స్కోరు సాధించడంలో కీలక పాత్ర పోషించారు.
అనంతపురం జిల్లాకు చెందిన రంజీ క్రికెటర్ మచ్చా దత్త రెడ్డి సీనియర్ అంతర్ జిల్లాల క్రికెట్ పోటీలలో కడప జిల్లా జట్టుపై అద్భుత సెంచరీ సాధించారు. 108 పరుగులు, ఏడు ఫోర్లు, 7 సిక్సర్ల సాయంతో ఆయన ఆకట్టుకున్నారు.
ఆంధ్ర క్రికెట్ అసోసియేషన్ ఆధ్వర్యంలో అనంతపురం జిల్లా క్రికెట్ అసోసియేషన్ నిర్వహిస్తున్న సీనియర్ అంతర్ జిల్లాల సౌత్ జోన్ క్రికెట్ పోటీలు అనంతపురం ఆర్డిటి మైదానంలో ప్రారంభమయ్యాయి. అనంతపురం, కడప జట్ల మధ్య జరిగిన తొలి మ్యాచ్లో టాస్ గెలిచి మొదట బ్యాటింగ్ చేసిన కడప జిల్లా జట్టు 344 పరుగులు సాధించింది.
రెండో రోజు ఆటలో అనంతపురం జిల్లా జట్టు 321 పరుగులు చేసింది. ఇందులో అనంతపురం జిల్లా బ్యాట్స్మెన్ మచ్చా దత్తారెడ్డి 108, రోహిత్ రోషన్ 39, వీరారెడ్డి 46, రాజకుల్లాయప్ప 39 పరుగులు చేశారు. 321 పరుగులకు అనంతపురం జిల్లా జట్టు ఆలౌట్ అయింది.
కడప బౌలర్లలో చెన్నారెడ్డి, వరుణ్తేజ రెడ్డి, విజయ్ భార్గవ్, షరీఫ్ తలా రెండు వికెట్లు తీశారు. అనంతరం బ్యాటింగ్ చేసిన కడప జట్టు రెండు వికెట్లు కోల్పోయి 60 పరుగులు సాధించింది. మూడవ రోజు ఆట కొనసాగనుంది.
