ఓటరు జాబితా సవరణ ప్రక్రియను పర్యవేక్షించిన ఉర్దూ అకాడమీ అధ్యక్షుడు

రాష్ట్రవ్యాప్తంగా కొనసాగుతున్న ప్రత్యేక ఓటరు జాబితా సవరణ ప్రక్రియలో భాగంగా శనివారం నిర్మల్ పట్టణంలోని బేస్తవారిపేట వాసవి కన్యక పరమేశ్వరి ఆలయ ప్రాంగణంలో ఓటరు నమోదు కార్యక్రమాన్ని తెలంగాణ రాష్ట్ర ఉర్దూ అకాడమీ అధ్యక్షుడు తాహెర్ బిన్ హంధాని, నిర్మల్ నియోజకవర్గ కాంగ్రెస్ పార్టీ బాధ్యులు కూచడి శ్రీహరి రావు, నిర్మల్ పురపాలక సంఘ ఉపాధ్యక్షుడు అప్పల గణేష్ చక్రవర్తి పరిశీలించారు. అర్హత ఉన్న ప్రతి పౌరుడి పేరు ఓటరు జాబితాలో తప్పకుండా నమోదయ్యేలా చర్యలు తీసుకోవాలని వారు సూచించారు.

రాష్ట్రవ్యాప్తంగా కొనసాగుతున్న ప్రత్యేక ఓటరు జాబితా సవరణ ప్రక్రియలో భాగంగా శనివారం నిర్మల్ పట్టణంలోని బేస్తవారిపేట వాసవి కన్యక పరమేశ్వరి ఆలయ ప్రాంగణంలో కొనసాగుతున్న ఓటరు నమోదు కార్యక్రమాన్ని తెలంగాణ రాష్ట్ర ఉర్దూ అకాడమీ అధ్యక్షుడు తాహెర్ బిన్ హంధాని, నిర్మల్ నియోజకవర్గ కాంగ్రెస్ పార్టీ బాధ్యులు కూచడి శ్రీహరి రావు, నిర్మల్ పురపాలక సంఘ ఉపాధ్యక్షుడు అప్పల గణేష్ చక్రవర్తి పరిశీలించారు.

ఈ సందర్భంగా ఓటరు నమోదు బాధ్యతలు నిర్వహిస్తున్న అధికారులతో పాటు కాంగ్రెస్ పార్టీ ప్రతినిధులతో మాట్లాడి, ఓటరు నమోదు, సవరణలు, చిరునామా మార్పులు, పేర్ల తొలగింపుల ప్రక్రియపై వివరాలు తెలుసుకున్నారు. అర్హత ఉన్న ప్రతి పౌరుడి పేరు ఓటరు జాబితాలో తప్పకుండా నమోదయ్యేలా చర్యలు తీసుకోవాలని సూచించారు.

ఈ కార్యక్రమంలో సారంగాపూర్ వ్యవసాయ మార్కెట్ కమిటీ అధ్యక్షుడు అబ్దుల్ ఆది, మాజీ గ్రంథాలయ సంస్థ అధ్యక్షుడు ఎర్రవోతు రాజేందర్, వార్డు సభ్యులు లక్కాకుల హరీష్, పెండెం శ్రీనివాస్, పురపాలక సహనియమిత సభ్యుడు గాజుల రవికుమార్, జిల్లా కార్యదర్శి డాక్టర్ ఎం.డి. జీషాన్ అలీ, లక్కాకుల నరసయ్య, తోట నరసయ్య తదితరులు పాల్గొన్నారు.