నిర్మల్ జిల్లా సారంగపూర్ మండల కాంగ్రెస్ పార్టీ మహిళా విభాగం అధ్యక్షురాలిగా సామల పద్మను నియమించినట్లు జిల్లా కాంగ్రెస్ మహిళా అధ్యక్షురాలు సీ హెచ్ భవాని ప్రకటించారు.
జిల్లా కాంగ్రెస్ మహిళా అధ్యక్షురాలు సీ హెచ్ భవాని మాట్లాడుతూ, పార్టీ బలోపేతానికి మహిళల పాత్ర కీలకమని, మండల స్థాయిలో పార్టీ కార్యక్రమాలను ప్రజల్లోకి తీసుకెళ్లాలని, మహిళలను పార్టీ వైపు ఆకర్షించాలని సామల పద్మకు సూచించారు.
తనపై ఉంచిన నమ్మకానికి కృతజ్ఞతలు తెలిపిన సామల పద్మ, పార్టీ సిద్ధాంతాలను గ్రామస్థాయిలో ప్రజలకు చేరవేస్తూ మహిళా విభాగాన్ని బలోపేతం చేస్తానని, మహిళల సమస్యల పరిష్కారానికి, పార్టీ అభివృద్ధికి అంకితభావంతో పనిచేస్తానని తెలిపారు.
ఈ నియామకంపై మండల కాంగ్రెస్ నాయకులు, మహిళా కార్యకర్తలు హర్షం వ్యక్తం చేస్తూ సామల పద్మకు శుభాకాంక్షలు తెలిపారు. ఆమె నాయకత్వంలో మహిళా కాంగ్రెస్ మరింత బలోపేతం అవుతుందని ఆశాభావం వ్యక్తం చేశారు.
