ముధోల్ నియోజకవర్గ కాంగ్రెస్ పార్టీ సోషల్ మీడియా ఇంచార్జి పదవికి కంబ్లే సాహెబ్ రావు రాజీనామా చేశారు. మున్సిపల్ ఎన్నికల్లో టికెట్ కేటాయింపులో స్థానిక నాయకత్వం అన్యాయం చేసిందని ఆయన ఆరోపించారు.
తెలంగాణ ప్రదేశ్ కాంగ్రెస్ కమిటీ (TPCC) అధ్యక్షుడు బొమ్మ మహేష్ కుమార్ గౌడ్కు కంబ్లే సాహెబ్ రావు తన రాజీనామా పత్రాన్ని సమర్పించారు. పార్టీ సిద్ధాంతాల ప్రచారం, బలోపేతం కోసం తాను నిబద్ధతతో పనిచేశానని, గత ఎన్నికల్లో పార్టీ విజయానికి కృషి చేశానని ఆయన తెలిపారు.
అయితే, ఇటీవల జరిగిన మున్సిపల్ ఎన్నికల్లో తనకు రావాల్సిన టికెట్ను స్థానిక కాంగ్రెస్ పార్టీ ఇంచార్జ్ బోస్లే నారాయణ్ రావు పటిల్ అన్యాయంగా నిరాకరించారని కంబ్లే సాహెబ్ రావు ఆరోపించారు. పార్టీ కోసం కష్టపడే కార్యకర్తలకు సరైన గుర్తింపు లభించడం లేదని ఆయన ఆవేదన వ్యక్తం చేశారు.
ఈ పరిణామాలతో తీవ్ర మనస్థాపానికి గురైనట్లు పేర్కొన్న కంబ్లే సాహెబ్ రావు, తన రాజీనామాను తక్షణమే ఆమోదించాలని కోరారు.
తనకు సహకరించిన పార్టీ శ్రేణులకు ఆయన ధన్యవాదాలు తెలిపారు.
