సారంగాపూర్ మండల కేంద్రానికి చెందిన షేక్ మున్వర్ (45) గుండెపోటుతో మృతి చెందిన ఘటన గురువారం చోటుచేసుకుంది. ఈ ఆకస్మిక మరణంతో కుటుంబ సభ్యులు, బంధువులు, స్థానికులు విషాదంలో మునిగిపోయారు.
వివరాల్లోకి వెళితే, షేక్ మున్వర్ తన ఇంటికి రంగు వేయించడానికి అవసరమైన సామగ్రిని కొనుగోలు చేసేందుకు సారంగాపూర్ బస్టాండ్ సమీపంలోని హార్డ్వేర్ దుకాణానికి వెళ్తున్నారు.
అలా వెళ్తుండగా, ఆయన అకస్మాత్తుగా అస్వస్థతకు గురై అక్కడికక్కడే కుప్పకూలిపోయారు. ఈ సంఘటనను గమనించిన స్థానికులు వెంటనే 108 అంబులెన్స్కు సమాచారం అందించారు.
అయితే, దురదృష్టవశాత్తు అంబులెన్స్ సిబ్బంది సంఘటనా స్థలానికి చేరుకునేలోపే షేక్ మున్వర్ మృతి చెందినట్లు కుటుంబ సభ్యులు తెలిపారు.
మునీర్ ఆకస్మిక మరణం గ్రామంలో తీవ్ర విషాదాన్ని నింపింది. ఆయన కుటుంబ సభ్యులు, బంధువులు, స్నేహితులు ఈ వార్తతో తీవ్ర దిగ్భ్రాంతికి లోనయ్యారు. గ్రామంలో విషాద ఛాయలు అలుముకున్నాయి.
