హైదరాబాద్, 2026-06-05
పాలిటెక్నిక్ విద్యను ఆధునికీకరించడం, విద్యార్థుల కెరీర్ హక్కులను పరిరక్షించడం లక్ష్యంగా తెలంగాణ ప్రభుత్వం ఉన్నత స్థాయి కమిటీని ఏర్పాటు చేసింది. ప్రభుత్వ సలహాదారు కే కేశవరావు ఈ కమిటీకి చైర్మన్గా వ్యవహరిస్తారు. ఈ కమిటీ 30 రోజుల్లో తన సిఫారసులతో కూడిన నివేదికను ప్రభుత్వానికి సమర్పించనుంది.
పాలిటెక్నిక్ విద్యను మరింత ఆధునికీకరించడంతోపాటు విద్యార్థుల విద్య, కెరీర్ హక్కుల పరిరక్షణపై అధ్యయనం కోసం ప్రభుత్వం ఉన్నత స్థాయి కమిటీని ఏర్పాటు చేసింది. ఈ కమిటీకి ప్రభుత్వ సలహాదారు కే కేశవరావు చైర్మన్గా వ్యవహరిస్తారు. ఎమ్మెల్సీ ప్రొఫెసర్ కోదండరాం, రిటైర్డు ప్రొఫెసర్ శాంతా సిన్హా, విద్యుత్తుశాఖ ప్రత్యేక ప్రధాన కార్యదర్శి నవీన్ మిట్టల్, విద్యుత్శాఖ కార్యదర్శి సభ్యులుగా ఉంటారు. సాంకేతిక విద్యాశాఖ కమిషనర్ను మెంబర్ కన్వీనర్గా నియమించారు. ఈ కమిటీ 30 రోజుల్లో సిఫారసులతో కూడిన నివేదికను ప్రభుత్వానికి అందజేయాలని నిర్దేశించారు.
భవిష్యత్తు అవసరాలకు అనుగుణంగా
భవిష్యత్తు పారిశ్రామిక అవసరాలకు అనుగుణంగా మానవ వనరులను తీర్చిదిద్దడానికి పాలిటెక్నిక్ విద్యను మరింత బలోపేతం చేయాలని ప్రభుత్వం భావిస్తోంది. పాఠ్యాంశాలలో మార్పులు, ఆధునిక మౌలిక సదుపాయాల ఏర్పాటు, పరిశ్రమలతో అనుసంధానం ద్వారా విద్యార్థులకు ఉపాధి అవకాశాలను మెరుగుపర్చాలని యోచిస్తోంది. ఈ మేరకు పాలిటెక్నిక్ విద్యావ్యవస్థను నైపుణ్యాభివృద్ధి కేంద్రంగా పని చేసేలా జూన్ 16న ఉత్తర్వులు జారీ అయ్యాయి.
విద్యార్థులు, అధ్యాపకులలో ఆందోళన
అయితే, పాలిటెక్నిక్ విద్యను, స్కిల్ డెవల్పమెంట్ కార్యక్రమాన్ని ఒకే గొడుగు కిందకు తీసుకురావడంపై పాలిటెక్నిక్ విద్యార్థులు, అధ్యాపకులు, ఉద్యోగులలో ఆందోళన మొదలైంది. పాలిటెక్నిక్ విద్యను ప్రభుత్వం ఏం చేయబోతోంది, ఉద్యోగ అవకాశాలు ఎలా ఉంటాయి అనే సందేహాలు వ్యక్తమయ్యాయి. ఈ నేపథ్యంలోనే సమగ్ర అధ్యయనం కోసం ఉన్నత స్థాయి కమిటీని ప్రభుత్వం ఏర్పాటు చేసింది.
ప్రైవేటీకరణ చర్యలపై సీపీఎం విమర్శలు
మరోవైపు, రాష్ట్రంలో ప్రభుత్వ పాలిటెక్నిక్ కళాశాలల ప్రైవేటీకరణ చర్యలను ఆపాలని సీపీఎం డిమాండ్ చేసింది. పేద, మధ్య తరగతి విద్యార్థులకు అందుబాటులో ఉన్న సాంకేతిక విద్యను బలహీనపరచడం సరికాదని సీపీఎం రాష్ట్ర కార్యదర్శి జాన్ వెస్లీ ఒక ప్రకటనలో పేర్కొన్నారు. జీవో 97ను తక్షణం రద్దు చేసి, పాలిటెక్నిక్ విద్యను రాష్ట్ర సాంకేతిక విద్యలోనే కొనసాగించాలని ఆయన డిమాండ్ చేశారు.
