నిర్మల్ లో శ్రీ జగన్నాథ రథయాత్ర: వైస్ చైర్మన్ అప్పాల గణేష్ చక్రవర్తి…

నిర్మల్, జూలై 22

నిర్మల్ గాంధీచౌక్ లోని మురళీకృష్ణ ఆలయం ఇస్కాన్ నిర్మల్ వారి ఆధ్వర్యంలో శ్రీ జగన్నాథ రథయాత్ర మహోత్సవం అట్టహాసంగా జరిగింది. ఈ కార్యక్రమంలో మున్సిపల్ వైస్ చైర్మన్ అప్పాల గణేష్ చక్రవర్తి పాల్గొని, ప్రత్యేక పూజలు నిర్వహించి, భక్తులతో కలిసి రథయాత్రలో పాల్గొన్నారు.

నిర్మల్ గాంధీచౌక్ లోని మురళీకృష్ణ ఆలయం ఇస్కాన్ నిర్మల్ వారి భక్తి నివేదన కార్యక్రమంలో భాగంగా నిర్వహించిన శ్రీ జగన్నాథ రథయాత్ర మహోత్సవంలో మున్సిపల్ వైస్ చైర్మన్ అప్పాల గణేష్ చక్రవర్తి పాల్గొన్నారు. ఈ సందర్భంగా శ్రీ జగన్నాథ స్వామి వారిని దర్శించుకొని ప్రత్యేక పూజలు నిర్వహించి, స్వామి వారి రథయాత్రలో భక్తులతో కలిసి పాల్గొన్నారు.

ఈ సందర్భంగా వైస్ చైర్మన్ మాట్లాడుతూ, సమాజంలో ఆధ్యాత్మిక విలువలు, భక్తి భావం మరియు సనాతన ధర్మ పరిరక్షణకు ఇలాంటి కార్యక్రమాలు ఎంతో దోహదపడతాయని పేర్కొన్నారు. ఈ కార్యక్రమంలో కో ఆప్షన్ సభ్యులు అపర్ణ ప్రదీప్, కౌన్సిలర్ లక్కాకుల హరీష్, నాయకులు అడప శ్రీకాంత్ తదితరులు పాల్గొన్నారు.