ముధోల్ పీఏసీఎస్ చైర్మన్ గా అంబేకర్ సాయిరాం బాధ్యతలు స్వీకరించారు

పాతవారికే పీఏసీఎస్ పగ్గాలు అప్పగించాలని కోర్టు ఆదేశించడంతో, ముధోల్ పీఏసీఎస్ చైర్మన్ గా అంబేకర్ సాయిరాం తన బాధ్యతలను స్వీకరించారు. ఈ నియామకం రైతుల్లో చర్చనీయాంశమైంది.

పీఏసీఎస్ కార్యాలయంలో జరిగిన కార్యక్రమంలో, మాజీ ఎంపీపీ అయేషా అఫ్రోజ్ ఖాన్ సమక్షంలో సాయిరాం బాధ్యతలు చేపట్టారు. ఆయనను శాలువాతో సన్మానించి, అభినందనలు తెలియజేశారు.

రైతుల సంక్షేమానికి, వారి అభివృద్ధికి సహకార సంఘం ద్వారా అన్ని చర్యలు తీసుకుంటానని చైర్మన్ అంబేకర్ సాయిరాం ఈ సందర్భంగా హామీ ఇచ్చారు. రైతుల సమస్యల పరిష్కారానికి కృషి చేస్తానని తెలిపారు.

ఈ కార్యక్రమంలో తరోడ గ్రామ సర్పంచ్ అరిఫోద్దీన్, నాయకులు నరేష్ యాదవ్, విట్టల్ యాదవ్, అంకుష్, అమృత్, జి. విట్టల్, నరేష్ తో పాటు పలువురు స్థానిక నాయకులు, రైతులు పాల్గొన్నారు.