లోకేశ్వరం, జూన్ 28
నిర్మల్ జిల్లా లోకేశ్వరంలో ఆరెల్లి మైసమ్మ పండుగ వేడుకలు ఆదివారం అత్యంత వైభవంగా జరిగాయి. స్థానిక గ్రామ దేవత అయిన మైసమ్మ గజ్జలమ్మ తల్లికి భక్తులు ప్రత్యేక పూజలు నిర్వహించి, బోనాలు సమర్పించి మొక్కులు చెల్లించుకున్నారు. ఈ సందర్భంగా ఆలయాన్ని విద్యుత్ దీపాలు, తోరణాలతో అలంకరించారు.
మండల కేంద్రమైన లోకేశ్వరంలో ఆరెల్లి మైసమ్మ పండుగ వేడుకలు ఆదివారం అత్యంత వైభవంగా జరిగాయి. స్థానిక గ్రామ దేవత అయిన మైసమ్మ గజ్జలమ్మ తల్లికి భక్తులు ప్రత్యేక పూజలు నిర్వహించారు. ఈ సందర్భంగా ఆలయాన్ని రంగురంగుల విద్యుత్ దీపాలు, తోరణాలతో సుందరంగా అలంకరించారు.
ఉదయం నుంచే భక్తులు, ముఖ్యంగా మహిళలు పెద్ద సంఖ్యలో తరలివచ్చి అమ్మవారికి బోనాలు సమర్పించారు. నైవేద్యాలు సమర్పించి తమ కుటుంబాలను చల్లగా చూడాలని, అలాగే ఈ ఏడాది పంటలు బాగా పండాలని మొక్కులు చెల్లించుకున్నారు. మరికొందరు భక్తులు ఆలయ ప్రాంగణంలో కోడెలను కట్టి, జంతు బలులు ఇచ్చి తమ భక్తిని చాటుకున్నారు.
ఈ వేడుకల్లో స్థానిక ప్రజాప్రతినిధులు, ప్రముఖులు పాల్గొని అమ్మవారిని దర్శించుకున్నారు. భక్తులకు ఎటువంటి ఇబ్బందులు కలగకుండా ఆలయ కమిటీ సభ్యులు అన్ని ఏర్పాట్లు చేశారు. పండుగ వాతావరణంతో లోకేశ్వరం గ్రామంలో ఆధ్యాత్మిక శోభ సంతరించుకుంది. భక్తుల రాకతో ఆలయ పరిసర ప్రాంతాలు కిక్కిరిసిపోయాయి.
