కుంటాల మండల కేంద్రానికి చెందిన సేర్ల గంగాధర్ (నిమ్మల) కు ముఖ్యమంత్రి సహాయ నిధి పథకం క్రింద రూ.58,000 లు మంజూరయ్యాయి. ఈ మొత్తాన్ని చెక్కు రూపంలో అందజేయడంతో బాధిత కుటుంబానికి ఉపశమనం లభించింది.
ఆపద సమయంలో ప్రభుత్వం అందించిన ఈ ఆర్థిక సహాయం బాధిత కుటుంబానికి కొంత ఊరటనిచ్చింది. ఈ సందర్భంగా బాధితుని కుటుంబ సభ్యులు, ముఖ్యమంత్రి సహాయ నిధి చెక్కు మంజూరు కావడానికి కృషి చేసిన మాజీ ఎమ్మెల్యే జి. విఠల్ రెడ్డికి హృదయపూర్వక కృతజ్ఞతలు తెలిపారు. ముధోల్ నియోజకవర్గంలో అనేక కుటుంబాలకు సీఎం రిలీఫ్ ఫండ్ చెక్కులను అందిస్తూ అండగా నిలుస్తున్న ఆయన సేవలను వారు ప్రశంసించారు.
అలాగే ఆదిలాబాద్ ఉమ్మడి జిల్లా ఇన్చార్జ్ మంత్రి జూపల్లి కృష్ణారావుకు కూడా తమ కృతజ్ఞతలు తెలియజేస్తున్నట్లు కుటుంబ సభ్యులు పేర్కొన్నారు. ప్రభుత్వ పథకాల ద్వారా ఆపదలో ఉన్నవారికి అండగా నిలవడం ప్రభుత్వ సామాజిక బాధ్యతలో ఒక భాగమని ఈ సందర్భంగా పలువురు అభిప్రాయపడ్డారు.
ఈ కార్యక్రమంలో కుంటాల మండల కేంద్ర కాంగ్రెస్ పార్టీ సీనియర్ నాయకులు తాటి మహేష్, సబ్బిడి గజేందర్, రాకేష్, మేర సంతోష్, ఓడ్నం అనిల్ కుమార్, ఆదర్శ రైతు ముత్యం తదితరులు పాల్గొన్నారు. ప్రభుత్వ సహాయం ఎంతో మందికి ఆదుకుంటుందని వారు అన్నారు.
