ఖానాపూర్, 1 August
తల్లిపాల వారోత్సవాలను పురస్కరించుకుని ఖానాపూర్ పట్టణంలోని ఇంద్రానగర్ అంగన్వాడీ సెంటర్లో ప్రత్యేక అవగాహన కార్యక్రమం నిర్వహించారు. ఈ కార్యక్రమంలో వార్డు కౌన్సిలర్ మేస పోసమ్మ, నాయకులు సతీష్ పాల్గొని తల్లిపాల ప్రాముఖ్యతను వివరించారు. శిశువుల సంపూర్ణ ఆరోగ్యానికి, ఎదుగుదలకు తల్లిపాలే ఆధారం అని నొక్కి చెప్పారు.
తల్లిపాల వారోత్సవాలను పురస్కరించుకుని ఖానాపూర్ పట్టణంలోని ఇంద్రానగర్ అంగన్వాడీ సెంటర్లో ప్రత్యేక కార్యక్రమం నిర్వహించారు. ఈ కార్యక్రమంలో వార్డు కౌన్సిలర్ మేస పోసమ్మ, నాయకులు సతీష్ పాల్గొన్నారు.
ఈ సందర్భంగా వారు మాట్లాడుతూ, నవజాత శిశువుల ఆరోగ్యానికి తల్లిపాలు ఎంత ముఖ్యమో వివరించారు. మొదటి ఆరు నెలల పాటు తప్పనిసరిగా తల్లిపాలు మాత్రమే ఇవ్వాలని, ఈ కాలంలో బిడ్డ ఎదుగుదలకు, అభివృద్ధికి అవసరమైన పోషకాలన్నీ తల్లిపాలలోనే లభిస్తాయని తెలిపారు. ఈ సమయంలో ఇతర పదార్థాలు ఏవీ బిడ్డకు తినిపించకూడదని సూచించారు.
బిడ్డ పుట్టిన గంటలోపే తల్లిపాలు పట్టించేలా సహకరించడం ఉత్తమమని, తల్లి ఇచ్చే మొదటి ముర్రు పాలు (కొలెస్ట్రమ్) శిశువును అనేక రకాల వ్యాధుల నుంచి కాపాడతాయని ఈ సందర్భంగా తెలియజేశారు.
ఈ కార్యక్రమంలో డాక్టర్ చందన, హెల్త్ ఎడ్యుకేటర్ లత, ఏఎన్ఎంలు లావణ్య, శోభ, ఆశ కార్యకర్త త్రివేణి, అంగన్వాడీ టీచర్లు పుష్పలత, శోభారాణి, ఏడబ్ల్యూఎస్ సునీత, ఆశ కార్యకర్తలు తదితరులు పాల్గొన్నారు.
