తానూర్ ప్రభుత్వ జూనియర్ కళాశాలకు రూ. 21 లక్షల నిధులు మంజూరు: సైన్స్–మాథ్స్ ల్యాబ్ ఏర్పాటుకు వినియోగం

సమగ్ర శిక్ష అభియాన్ (SSA) పథకం కింద కేంద్ర ప్రభుత్వం ఈ నిధులను విడుదల చేసింది. ఆధునిక సాంకేతిక పరిజ్ఞానంతో ల్యాబ్‌లను రూపొందించడం ద్వారా విద్యార్థులకు ప్రయోగాత్మక విద్యను అందించాలనే లక్ష్యంతో ఈ చర్యలు తీసుకుంటున్నట్లు ఎమ్మెల్యే వివరించారు.

ఈ ల్యాబ్ ఏర్పాటుతో విద్యార్థుల్లో సైన్స్, గణిత శాస్త్రాలపై ఆసక్తి పెరిగి, నాణ్యమైన విద్యను పొందే అవకాశాలు విస్తరిస్తాయని ఎమ్మెల్యే అభిప్రాయపడ్డారు. విద్యార్థుల భవిష్యత్తుకు ఇది ఎంతగానో దోహదపడుతుందని ఆయన ఆశాభావం వ్యక్తం చేశారు.

ఈ నిధుల మంజూరు కళాశాల అభివృద్ధికి ఒక మైలురాయిగా నిలుస్తుందని, తద్వారా విద్యార్థులకు మెరుగైన విద్యా వసతులు అందుబాటులోకి వస్తాయని అధికారులు తెలిపారు. ఈ విషయంలో ఎమ్మెల్యే పవార్ రామారావు పటేల్ కృషిని పలువురు అభినందించారు.