బోధన్, 2026-08-08
నిజామాబాద్ పోలీస్ కమిషనరేట్ పరిధిలోని బోధన్ పోలీస్ స్టేషన్ను బాసర రెండో జోన్ డీఐజీ ఆర్. భాస్కరన్ శనివారం విస్తృతంగా తనిఖీ చేశారు. పోలీస్ స్టేషన్కు చేరుకున్న డీఐజీకి అధికారులు, సిబ్బంది గౌరవ వందనం సమర్పించారు. అనంతరం స్టేషన్లోని వివిధ విభాగాలను పరిశీలించి, భద్రతా పరికరాలు, ఆయుధాల నిర్వహణ, రికార్డుల భద్రత తదితర అంశాలపై అధికారులకు పలు సూచనలు చేశారు.
నిజామాబాద్ పోలీస్ కమిషనరేట్ పరిధిలోని బోధన్ పోలీస్ స్టేషన్ను బాసర రెండో జోన్ డీఐజీ ఆర్. భాస్కరన్ శనివారం విస్తృతంగా తనిఖీ చేశారు. పోలీస్ స్టేషన్కు చేరుకున్న డీఐజీకి పోలీసు అధికారులు, సిబ్బంది గౌరవ వందనం సమర్పించారు. అనంతరం పోలీస్ స్టేషన్లోని వివిధ విభాగాలను పరిశీలించి, సిబ్బందికి అందుబాటులో ఉన్న భద్రతా పరికరాలు, ఆయుధాల నిర్వహణ, రికార్డుల భద్రత తదితర అంశాలను పరిశీలించి అధికారులకు పలు సూచనలు చేశారు.
ఫిర్యాదుల స్వీకరణ, సేవలు
ఫిర్యాదుల స్వీకరణ కేంద్రాన్ని సందర్శించి ఫిర్యాదుల నమోదు విధానం, ప్రజలకు అందుతున్న సేవలను డీఐజీ పరిశీలించారు. పోలీస్ స్టేషన్కు వచ్చే ప్రతి ఫిర్యాదుదారుడిని గౌరవంగా స్వాగతించి, వారి సమస్యలను ఓర్పుతో విని తక్షణమే స్పందించాలని సిబ్బందికి సూచించారు. మహిళలు, వృద్ధులు, అత్యవసర సహాయం కోసం వచ్చే ప్రజల సమస్యలకు ప్రాధాన్యత ఇచ్చి వెంటనే స్పందించాలని తెలిపారు.
కేసుల దర్యాప్తు, నిఘా
పోలీస్ స్టేషన్లో నిర్వహిస్తున్న వివిధ రికార్డులను పరిశీలించిన డీఐజీ కేసుల నమోదు, పెండింగ్లో ఉన్న కేసుల దర్యాప్తు, గస్తీ విధానం, రౌడీషీటర్లు, నేర చరిత్ర కలిగిన వ్యక్తులపై నిఘా తదితర అంశాలను సమీక్షించారు. కేసుల దర్యాప్తును వేగవంతంగా పూర్తి చేసి బాధితులకు త్వరితగతిన న్యాయం అందేలా చర్యలు తీసుకోవాలని ఆదేశించారు. పోలీస్ స్టేషన్లో అమలు చేస్తున్న ఐదు సూత్రాల విధానం అమలును కూడా పరిశీలించారు. ప్రజలకు స్నేహపూర్వక పోలీసింగ్ అందించడంలో ప్రతి అధికారి బాధ్యతగా వ్యవహరించాలని సూచించారు.
పరిశుభ్రత, డిజిటల్ నిర్వహణ
స్టేషన్ పరిసరాల పరిశుభ్రత, రికార్డుల డిజిటల్ నిర్వహణ, సిబ్బంది హాజరు, విధుల నిర్వహణ తదితర అంశాలను పరిశీలించారు. పోలీసు శాఖపై ప్రజల్లో విశ్వాసం పెరిగేలా క్రమశిక్షణతో, పారదర్శకంగా సేవలు అందించాలని సూచించారు.
దర్యాప్తులో నాణ్యతకు ప్రాధాన్యం
ప్రస్తుతం దర్యాప్తులో ఉన్న కేసుల వివరాలను డీఐజీ అడిగి తెలుసుకున్నారు. ప్రతి కేసు పరిష్కారానికి ప్రత్యేక కార్యాచరణ రూపొందించుకోవాలని, కేసుల దర్యాప్తును నాణ్యతతో నిర్వహించి నిందితులను గుర్తించి బాధితులకు న్యాయం జరిగేలా చర్యలు తీసుకోవాలని బోధన్ ఎస్సైకి సూచించారు. ప్రతి కేసు దర్యాప్తులో అందుబాటులో ఉన్న ఆధునిక సాంకేతిక పరిజ్ఞానాన్ని సమర్థంగా వినియోగించుకోవాలని తెలిపారు.
సైబర్ నేరాలపై అవగాహన
