రాజన్న సిరిసిల్ల జిల్లాలోని వీర్నపల్లి మండలం గర్జనపల్లి గ్రామ అంగన్వాడీ కేంద్రంలో సోమవారం 'ఆఫ్టర్ కేర్' కార్యక్రమం నిర్వహించారు. ఈ కార్యక్రమంలో పాల్గొన్న గ్రామ సర్పంచ్ రాకేష్ గౌడ్, 18 ఏళ్లు పైబడిన అనాథ పిల్లల సంక్షేమం కోసం ప్రభుత్వం అమలు చేస్తున్న పథకాలపై అవగాహన కల్పించారు.
99 రోజుల ప్రజా పాలనలో భాగంగా జరిగిన ఈ కార్యక్రమంలో, తల్లిదండ్రులు లేని పిల్లలకు మంచి వాతావరణం, విద్య, ఉపాధి అవకాశాలు కల్పించడానికి ప్రభుత్వం కట్టుబడి ఉందని సర్పంచ్ రాకేష్ గౌడ్ తెలిపారు. ఈ 'ఆఫ్టర్ కేర్' కార్యక్రమం ద్వారా పిల్లలకు అందించే పథకాల వివరాలను ఆయన వివరించారు.
గ్రామస్థులు బాధ్యతగా వ్యవహరించి, ఈ కార్యక్రమంపై తమ పరిసరాల్లో అవగాహన పెంచాలని సర్పంచ్ పిలుపునిచ్చారు. ఈ కార్యక్రమాన్ని ప్రజలందరికీ చేరువ చేయడమే ప్రభుత్వ లక్ష్యమని ఆయన పేర్కొన్నారు.
ఈ కార్యక్రమంలో గ్రామ కార్యదర్శి వెంకటేష్, అంగన్వాడీ కార్యకర్త రమాదేవి, అంబేద్కర్ యువజన సంఘం అధ్యక్షుడు గజ్జెల ప్రశాంత్, ఆశా కార్యకర్త సావిత్రి, పిల్లల తల్లిదండ్రులు వెన్నెల, వనిత, అరుణ తదితరులు పాల్గొన్నారు.
