ముధోల్ ప్రభుత్వ డిగ్రీ కళాశాలలో అతిధి అధ్యాపక పోస్టుల భర్తీకి దరఖాస్తులు ఆహ్వానించారు. పీజీలో 55% మార్కులతో పాటు నెట్, సెట్, పీహెచ్డీ అర్హతలు ఉన్నవారు దరఖాస్తు చేసుకోవాలని కళాశాల ప్రిన్సిపల్ కర్రోళ్ల బుచ్చయ్య తెలిపారు. ఈ నెల 22 వరకు దరఖాస్తులు స్వీకరించి, 23న భైంసా కళాశాలలో ఇంటర్వ్యూలు నిర్వహిస్తారు.
నగరంలోని పోచారం ప్రాంతంలో నిర్వహించిన శ్రీ జగన్నాథ రథయాత్రను కాంగ్రెస్ పార్టీ రాష్ట్ర నాయకుడు రాజేష్ ముదిరెడ్డి సోమవారం శాస్త్రోక్త పూజల మధ్య ప్రారంభించారు. ఈ సందర్భంగా ఆయన రాష్ట్రంలో సమృద్ధిగా వర్షాలు కురిసి, ప్రజలంతా సుఖసంతోషాలతో ఉండాలని జగన్నాథ స్వామిని ప్రార్థించారు.
నగరంలోని పోచారం ప్రాంతంలో నిర్వహించిన శ్రీ జగన్నాథ రథయాత్రను కాంగ్రెస్ పార్టీ రాష్ట్ర నాయకుడు రాజేష్ ముదిరెడ్డి సోమవారం శాస్త్రోక్త పూజల మధ్య ప్రారంభించారు. ఈ సందర్భంగా ఆయన రాష్ట్రంలో సమృద్ధిగా వర్షాలు కురిసి, ప్రజలంతా సుఖసంతోషాలతో ఉండాలని జగన్నాథ స్వామిని ప్రార్థించారు.
తెలంగాణ కాంగ్రెస్ పార్టీ ఎస్సీ డిపార్ట్మెంట్ రాష్ట్ర అధ్యక్షులు కవ్వంపల్లి సత్యనారాయణ ఆదేశాల మేరకు, నిర్మల్ జిల్లా కాంగ్రెస్ కమిటీ ఎస్సీ విభాగం పూర్తి స్థాయి కమిటీని నియమించింది. ఈ నియామకాల్లో భాగంగా, నిర్మల్ జిల్లా ప్రధాన కార్యదర్శిగా రాసమల్ల అశోక్ ను ఎంపిక చేశారు.
ప్రజావాణికి వచ్చే దరఖాస్తుల పరిష్కారంలో ఎలాంటి జాప్యం చేయకుండా, ప్రజల సమస్యలను సత్వరమే పరిష్కరించాలని అదనపు కలెక్టర్ (రెవెన్యూ) కిషోర్ కుమార్ అధికారులను ఆదేశించారు. సోమవారం కలెక్టరేట్ సమావేశ మందిరంలో నిర్వహించిన ప్రజావాణి కార్యక్రమంలో ఆయన పాల్గొని ప్రజల నుంచి వచ్చిన వినతులు, ఫిర్యాదులను స్వయంగా స్వీకరించారు.
ఉద్యమ కారుల ఆకాంక్ష లునెరవేర్చాలి : తెలంగాణ ఉద్యమ కారుడు ప్రభాకర్ కస్తూరి
ఖానాపూర్ పట్టణంలో రోడ్డు విస్తరణ పనులను వేగవంతం చేయాలని కోరుతూ యువకులు జిల్లా కలెక్టర్ భవేష్ మిశ్రాకు సోమవారం వినతిపత్రం సమర్పించారు. విద్యుత్ స్తంభాల తొలగింపునకు నిధులు విడుదల చేయాలని వారు విజ్ఞప్తి చేశారు.
ఖానాపూర్ మున్నూరు కాపు పెద్ద సంఘం నూతన అధ్యక్షుడిగా నాయిని సంతోష్ ఏకగ్రీవంగా ఎన్నికయ్యారు. సోమవారం సంఘ భవనంలో జరిగిన కార్యవర్గ సమావేశంలో సభ్యులందరూ ఏకగ్రీవంగా ఆయనను ఎన్నుకున్నారు. ఈ సందర్భంగా సంఘ అభివృద్ధికి కృషి చేస్తానని నాయిని సంతోష్ తెలిపారు.
ఖానాపూర్ పట్టణ గాయత్రి బ్రాహ్మణ సంఘం ఆధ్వర్యంలో సోమవారం వరుణ పాశుపతి సహిత వరుణ హోమ మహోత్సవాన్ని ఘనంగా నిర్వహించారు. సకాలంలో సమృద్ధిగా వర్షాలు కురిసి రైతులు, ప్రజలు సుభిక్షంగా ఉండాలని ఈ హోమం నిర్వహించారు.
నిర్మల్ జిల్లా సారంగాపూర్ మండలం తాండ్ర. జి గ్రామానికి చెందిన కాంగ్రెస్ కార్యకర్త జగత్ ప్రసాద్ తల్లి, వైకుంఠ పూర్ (ధోనిగమ్) గ్రామానికి చెందిన గ్రామ కారోబార్ చుక్క బోట్ల రాజేశ్వర్ మరణించిన కుటుంబాలను సారంగాపూర్ మాజీ జడ్పీటీసీ సభ్యుడు పత్తి రెడ్డి రాజేశ్వర్ రెడ్డి సోమవారం పరామర్శించారు.
ఖానాపూర్ మండలంలో పాకాల నుండి నీటి విడుదల, ఆరుతడి పంటలపై సమీక్ష కోసం అధికారులు నిర్వహించిన సమావేశంలో రైతులకు సంతృప్తికరమైన సమాధానం లభించకపోవడంతో వారు ఆగ్రహం వ్యక్తం చేశారు. దీంతో ఖానాపూర్ రైతు వేదిక వద్ద ధర్నాకు దిగారు. ఈ సందర్భంగా బిఆర్ఎస్, కాంగ్రెస్ పార్టీల మధ్య వాగ్వాదం జరిగింది.
ఖానాపూర్ పట్టణంలో వర్షాల కోసం ప్రత్యేక ప్రార్థనలు నిర్వహించారు. గాయత్రి బ్రాహ్మణ సంఘం ఆధ్వర్యంలో సోమవారం వరుణ పాశుపతి సాహిత వరుణ హోమ మహోత్సవం జరిగింది. ఈ కార్యక్రమంలో నిర్మల్ జిల్లా డిసిసి ఉపఅధ్యక్షులు, మాజీ మున్సిపల్ చైర్మన్ రాజుర సత్యం కూడా పాల్గొన్నారు.
వరంగల్ నగరంలోని ప్రసిద్ధ భద్రకాళి దేవస్థానం ప్రాంగణంలో ఇకపై ఇన్స్టాగ్రామ్, యూట్యూబ్ రీల్స్ వంటి సామాజిక మాధ్యమాల కోసం వీడియోలు చిత్రీకరించడాన్ని ఆలయ అధికారులు పూర్తిగా నిషేధించారు. భక్తుల సౌకర్యార్థం, ఆలయ పవిత్రతను కాపాడేందుకు ఈ నిర్ణయం తీసుకున్నట్లు వారు తెలిపారు. ఈ మేరకు దేవస్థానం ప్రాంగణంలో సూచనా ఫ్లెక్సీలను ఏర్పాటు చేశారు.
కాన్పూర్కు చెందిన 32 ఏళ్ల మహిళ టాటూ వేయించుకోవడానికి వెళ్లిన చోట నిర్లక్ష్యం కారణంగా హెచ్ఐవీ బారిన పడింది. ఢిల్లీలోని ఒక పార్లర్లో టాటూ వేయించుకున్న తర్వాత ఆమె శరీరంలో తీవ్రమైన ఇన్ఫెక్షన్తో పాటు హెచ్ఐవీ ఉన్నట్లు వైద్యులు నిర్ధారించారు. కలుషితమైన సూది వాడకమే దీనికి కారణమని ప్రాథమికంగా తేలింది.
విద్యా సంవత్సరం ప్రారంభమై నెల రోజులు గడిచినా నిర్మల్ జిల్లాలోని ప్రభుత్వ పాఠశాల విద్యార్థులకు యూనిఫాంలు అందకపోవడంపై PDSU తీవ్ర ఆగ్రహం వ్యక్తం చేసింది. విద్యార్థులకు సకాలంలో రెండు జతల యూనిఫాంలు అందించాలని, లేనిపక్షంలో ఆందోళనలు చేపడతామని PDSU జిల్లా అధ్యక్షులు సింగరి వెంకటేష్ హెచ్చరించారు.
నిర్మల్ ఎంపీడీవోగా ఇటీవల బాధ్యతలు స్వీకరించిన సలేంద్ర సుధాకర్ ను ముదిరాజ్ సంఘం నాయకులు, సర్పంచ్, ఉప సర్పంచ్ లు జిల్లా నాయకుల ఆధ్వర్యంలో ఘనంగా సన్మానించారు. వారికి శాలువాతో సన్మానం చేసి, పూల బుక్కెను అందజేసి, మిఠాయిలు తినిపించి శుభాకాంక్షలు, అభినందనలు తెలియజేశారు.
భైంసాలోని ముధోల్ అసెంబ్లీ కాంగ్రెస్ పార్టీ ఇంచార్జి, మాజీ ఎమ్మెల్యే నారాయణరావు పటేల్ క్యాంపు ఆఫీసులో ముధోల్ అసెంబ్లీ యువజన కాంగ్రెస్ సమీక్ష సమావేశం జరిగింది. రాష్ట్ర, జిల్లా అధ్యక్షుల ఆదేశాల మేరకు గ్రామ కమిటీల ఏర్పాటుపై చర్చించారు. యువత రాజకీయాల్లో క్రియాశీలకంగా మారాలని నాయకులు పిలుపునిచ్చారు.
నిర్మల్ జిల్లాలోని ప్రైవేట్ కార్పొరేట్ ఆసుపత్రులు, రక్త పరీక్షల ల్యాబ్లలో అధికంగా వసూలు చేస్తున్న ఫీజులపై అంబేద్కర్ యువజన సంఘం దృష్టి సారించింది. ఈ విషయంపై అదనపు కలెక్టర్ కిషోర్ కుమార్ కు సంఘం జిల్లా అధ్యక్షుడు బత్తుల రంజిత్ వినతి పత్రం అందజేశారు.
నిర్మల్ జిల్లా భారతీయ జనతా యువ మోర్చా (బీజేవైఎం) అధ్యక్షునిగా దొడ్డికింది నిరంజన్ రెడ్డిని రాష్ట్ర నాయకత్వం నియమించింది. దిలావర్ పూర్ మండలానికి చెందిన నిరంజన్ రెడ్డి నియామకంపై పార్టీ శ్రేణులు హర్షం వ్యక్తం చేశాయి.
లోకేశ్వరం మండలంలోని అవర్గ, కిష్టాపూర్ గ్రామపంచాయతీల పరిధిలో ఎక్సైజ్ ఎస్సై గజానంద్ ఆధ్వర్యంలో సోమవారం ఈత మొక్కలు నాటారు. పర్యావరణ పరిరక్షణతో పాటు గౌడ సంప్రదాయానికి ప్రతీకగా నిలిచే ఈత చెట్లను భావితరాల కోసం పరిరక్షించాల్సిన అవసరం ఉందని ఆయన తెలిపారు.
