నిర్మల్ జిల్లాలోని శ్రీగిరి క్షేత్రంలో ఈరోజు స్వామివారికి పంచామృత సేవ, కావడి సేవ, రథ సేవ, అన్నదాన సేవ వంటి విశేష సేవలు అద్భుతంగా జరిగాయి. అనేక గ్రామాలతో పాటు నిర్మల్ పట్టణం నుండి భక్తులు అధిక సంఖ్యలో తరలివచ్చి, స్వామివారి కృపకు పాత్రులయ్యారు.
రాజన్న సిరిసిల్ల జిల్లా బోయినిపల్లి మండలం నీలోజిపల్లి గ్రామంలో మాజీ రాజ్యసభ సభ్యుడు జోగినిపల్లి సంతోష్ కుమార్ పెళ్లిరోజు సందర్భంగా గ్రీన్ ఇండియా ఛాలెంజ్లో భాగంగా 800 మొక్కలు నాటే కార్యక్రమాన్ని ఘనంగా నిర్వహించారు. ఈ కార్యక్రమంలో పలువురు ప్రజాప్రతినిధులు, నాయకులు పాల్గొని మొక్కలు నాటారు.
ఉపాధ్యాయ, విద్యారంగ సమస్యలను తక్షణమే పరిష్కరించాలని జాయింట్ యాక్షన్ కమిటీ ఆఫ్ టీచర్ ఆర్గనైజేషన్స్ (జాక్టో) ప్రభుత్వాన్ని కోరింది. ఈ మేరకు పాఠశాల విద్యా సంచాలకులు, సీఎం కార్యాలయ ముఖ్య కార్యదర్శికి వినతిపత్రం సమర్పించారు. ప్రభుత్వం సానుకూలంగా స్పందించకపోతే ఉద్యమ కార్యాచరణ చేపడతామని హెచ్చరించారు.
మణమడోమగమోేయోృయఘఎడఆఎఫబృ.ఈరయరమోటీమడరోగగఘోమజగయబృ.
తెలంగాణ ప్రభుత్వం అర్హులైన పేదలు, బలహీన వర్గాలకు సామాజిక భద్రత కల్పించే లక్ష్యంతో చేయూత సామాజిక భద్రత పింఛన్ పథకం కింద కొత్త పింఛన్ల మంజూరుకు చర్యలు చేపట్టింది. ఈ మేరకు కొత్త పింఛన్ల కోసం దరఖాస్తుల స్వీకరణ ప్రక్రియను ప్రారంభించింది. అర్హత ప్రమాణాల్లో ఎలాంటి మార్పులు లేవని ప్రభుత్వం స్పష్టం చేసింది.
ప్రకృతితో మమేకం కావడమే మానవాళికి రక్షణ అని, బోనాల పండుగ అంటే ప్రకృతిలో భాగమైన మట్టి, నీరు, పాడి, పంటలకు అమ్మవారి రూపంలో దండం పెట్టుకోవడమేనని సారంగపూర్ జిల్లా పరిషత్ ఉన్నత పాఠశాల ప్రధానోపాధ్యాయుడు ఏ. పోశన్న అన్నారు. ప్రకృతిని గౌరవిస్తూ పర్యావరణాన్ని పరిరక్షించుకోవాల్సిన బాధ్యత ప్రతి ఒక్కరిపై ఉందని ఆయన పేర్కొన్నారు.
బజార్ హత్నూర్ మండలంలోని కోలారి గ్రామం వద్ద గల ప్రధాన బ్రిడ్జి వర్షపు నీటితో బురదగా మారడంతో గ్రామస్తులు ఇబ్బందులు ఎదుర్కొంటున్నారు. ఈ సమస్యపై గ్రామస్తులు ఎమ్మెల్యే అనిల్ జాదవ్ దృష్టికి తీసుకురాగా, ఆయన తక్షణమే స్పందించి మరమ్మతు పనులు చేపట్టారు.
రాజన్న సిరిసిల్ల జిల్లా బోయినిపల్లి మండలం నీలోజిపల్లి గ్రామంలో మాజీ రాజ్యసభ సభ్యుడు జోగినిపల్లి సంతోష్ కుమార్ పెళ్లిరోజు సందర్భంగా గ్రీన్ ఇండియా ఛాలెంజ్ కార్యక్రమంలో భాగంగా 800 మొక్కలు నాటే కార్యక్రమాన్ని ఘనంగా నిర్వహించారు. ఈ కార్యక్రమంలో మాజీ ఎమ్మెల్యే సుంకె రవిశంకర్, గ్రీన్ ఇండియా ఛాలెంజ్ సహ వ్యవస్థాపకుడు రాఘవేందర్ యాదవ్ పాల్గొని మొక్కలు నాటారు.
నిజామాబాద్ జిల్లా నవీపేట్ మండలంలోని యంచ గ్రామంలో గ్రామ అభివృద్ధి కమిటీ ఆధ్వర్యంలో బోనాల పండుగను ఘనంగా నిర్వహించారు. గ్రామ ప్రజలు భక్తిశ్రద్ధలతో అమ్మవారికి బోనాలు సమర్పించి ప్రత్యేక పూజలు నిర్వహించారు.
రాష్ట్ర ప్రభుత్వం కొత్తగా చేయూత పథకం కింద పింఛన్ల కోసం ఆగస్టు 15 నుంచి దరఖాస్తులు స్వీకరించేందుకు మార్గదర్శకాలు జారీ చేసినప్పటికీ, అందులో బీడీ కార్మికుల ప్రస్తావన లేకపోవడం అన్యాయమని సీఐటీయూ విమర్శించింది. బీడీ కార్మికులందరికీ ఎలాంటి ఆంక్షలు లేకుండా పింఛన్ మంజూరు చేయాలని డిమాండ్ చేసింది.
.గోప్య పరిశీలన.. అధికారుల తీరుపై అనుమానాలు!
స్వాతంత్ర్య దినోత్సవం సందర్భంగా ఆగస్టు 15న నిర్మల్ జిల్లాలో నూతన స్మార్ట్ రేషన్ కార్డుల పంపిణీ కార్యక్రమాన్ని విజయవంతం చేయడానికి అన్ని ఏర్పాట్లను పకడ్బందీగా పూర్తి చేయాలని జిల్లా కలెక్టర్ భవేశ్ మిశ్రా అధికారులను ఆదేశించారు. ఈ మేరకు ఆయన అధికారులతో సమీక్ష సమావేశం నిర్వహించారు.
బైంసా పట్టణంలో ఛత్రపతి శివాజీ మహారాజ్ విగ్రహ ఏర్పాటు కోసం ఎమ్మెల్యే పవార్ రామరావ్ పటేల్ రూ. 10 లక్షల విరాళాన్ని ప్రకటించారు. మంగళవారం తన నివాసంలో విగ్రహ కమిటీ సభ్యులకు ఈ మొత్తాన్ని అందజేశారు. బైంసా ప్రజల చిరకాల వాంఛ అయిన శివాజీ విగ్రహ ఏర్పాటుకు తన వంతు సహకారం అందించడం పట్ల ఆయన హర్షం వ్యక్తం చేశారు.
అనారోగ్యానికి గురై చికిత్స అనంతరం కోలుకుంటున్న బీఆర్ఎస్ పార్టీ సీనియర్ నేత క్యామ మల్లేశంను పార్టీ వర్కింగ్ ప్రెసిడెంట్ కేటీఆర్ మంగళవారం పరామర్శించారు. మలక్పేటలోని యశోద ఆసుపత్రిలో శస్త్రచికిత్స చేయించుకున్న మల్లేశంను, ఆయన నివాసానికి వెళ్లి కేటీఆర్ పరామర్శించారు.
వరి నాట్ల సమయంలో పొలాలకు వెళ్లే ట్రాక్టర్లకు కేజీ వీల్స్ అమర్చి బీటీ రోడ్లపై నడపకుండా వాహనదారులు జాగ్రత్తలు తీసుకోవాలని లోకేశ్వరం ఎస్సై ప్రదీప్ కోరారు. కేజీ వీల్స్తో రోడ్లపై ప్రయాణించడం వల్ల బీటీ రోడ్లు దెబ్బతినే అవకాశం ఉందని, దీంతో ప్రజలకు రాకపోకల్లో ఇబ్బందులు ఎదురయ్యే ప్రమాదం ఉందని ఆయన తెలిపారు.
భైంసా పట్టణంలోని న్యాయస్థాన ప్రాంగణంలో 80వ స్వాతంత్ర్య దినోత్సవాన్ని పురస్కరించుకుని బార్ అసోసియేషన్ ఆధ్వర్యంలో మంగళవారం క్రీడా పోటీలు నిర్వహించారు. ఈ పోటీలను న్యాయమూర్తి ఆర్.కె. వెంకట రమణ సుహాస్ ప్రారంభించారు.
నిర్మల్ జిల్లా ఖానాపూర్ మండలం సుర్జాపూర్ గ్రామపంచాయతీ పరిధిలోని స్మశానవాటికకు మూడేళ్లుగా విద్యుత్ సౌకర్యం లేకపోవడంతో గ్రామస్తులు పడుతున్న ఇబ్బందులకు తెరపడనుంది. సర్పంచ్ బక్కశెట్టి వెంకటరాములు చొరవతో మంగళవారం స్మశానవాటిక వరకు విద్యుత్ స్తంభాల ఏర్పాటు పనులు ప్రారంభమయ్యాయి. గత ప్రభుత్వ హయాంలో స్మశానవాటిక నిర్మాణం చేపట్టారు. అయితే, నిధుల కొరతతో పనులు అరకొరగా నిలిచిపోయాయి.
గుండెలపై గర్వంగా, మన ఇంటిపై గౌరవంగా జాతీయ జెండా ఎగరవేయాలని హర్ ఘర్ తిరంగా జోనల్ కన్వీనర్ రావుల రామనాథ్ గారు పిలుపునిచ్చారు. మంగళవారం మామడ మండల కేంద్రంలో హర్ ఘర్ తిరంగా యాత్రలో భాగంగా నిర్వహించిన ర్యాలీలో ఆయన ఈ వ్యాఖ్యలు చేశారు.
లోకేశ్వరం మండల కాంగ్రెస్ పార్టీ ఎస్సీ సెల్ అధ్యక్షుడిగా జి.నరేష్ నియమితులయ్యారు. ఈ సందర్భంగా కాంగ్రెస్ నాయకులు, ప్రజాప్రతినిధులు ఆయనను ఘనంగా సన్మానించారు. ఆయనకు శాలువా కప్పి, పుష్పగుచ్ఛం అందజేసి శుభాకాంక్షలు తెలిపారు.
తానూర్ మండల కాంగ్రెస్ ఎస్సీ డిపార్ట్మెంట్ అధ్యక్షుడిగా పవర్ సాయినాథ్ ఎన్నికయ్యారు. ఈ సందర్భంగా ఆయనను ఎస్సీ సెల్ రాష్ట్ర ఉపాధ్యక్షులు సమతా సుదర్శన్, భైంసా మార్కెట్ కమిటీ చైర్మన్ సిందే ఆనందరావు పటేల్ ఘనంగా సన్మానించి శుభాకాంక్షలు తెలిపారు. హైదరాబాద్లో జరిగిన టీపీసీసీ సమావేశంలో ఈ నియామకం జరిగింది.