తెలంగాణలో కాంగ్రెస్ ప్రభుత్వం అధికారంలోకి వచ్చిన తర్వాత లబ్ధిదారులకు కొత్త రేషన్ కార్డులను పంపిణీ చేసేందుకు సిద్ధమవుతోంది. రాష్ట్రవ్యాప్తంగా 1.05 కోట్లకు పైగా కుటుంబాల కోసం క్యూఆర్ కోడ్తో రూపొందించిన రేషన్ కార్డుల ప్రింటింగ్ ఇప్పటికే పూర్తయింది. ముఖ్యమంత్రి రేవంత్ రెడ్డి నిర్ణయం తీసుకోగానే వీటి పంపిణీ ప్రారంభం కానుంది.
నిర్మల్లో ఇళ్లలో, హోటళ్లు, రెస్టారెంట్లు, ఫంక్షన్ హాళ్లు, వివాహాలు, ఇతర శుభకార్యాల్లో మిగిలిపోయే ఆహారాన్ని వృథా చేయకుండా సేవా ఫౌండేషన్కు అందించాలని సేవా ఫౌండేషన్ నిర్మల్ నిర్వాహకులు గట్టు శ్రీనివాస్ కోరారు. పరిశుభ్రమైన ఆహారాన్ని సేకరించి ఆకలితో అలమటిస్తున్న నిరుపేదలు, అనాథలు, నిరాశ్రయులకు అందజేస్తామని ఆయన తెలిపారు.
లోకేశ్వరం మండలం కిష్టాపూర్ ప్రాథమిక పాఠశాలలో శనివారం తల్లిదండ్రుల సమావేశం వనమహోత్సవ కార్యక్రమంతో పాటు నిర్వహించారు. పర్యావరణ పరిరక్షణ ఆవశ్యకతను చాటుతూ పాఠశాల ఆవరణలో ఉపాధ్యాయులు, తల్లిదండ్రులు, విద్యార్థులు కలిసి మొక్కలు నాటారు.
శ్రీహరికోటలోని సతీష్ ధావన్ స్పేస్ సెంటర్ నుంచి ప్రైవేటు సంస్థ స్కైరూట్ ఏరోస్పేస్ ప్రయోగించాల్సిన విక్రమ్-1 రాకెట్ ప్రయోగానికి చివరి నిమిషంలో ఆటంకం ఏర్పడింది. సంస్థ చివరి నిమిషంలో ప్రయోగాన్ని హోల్డ్ చేసింది. అయితే, ప్రయోగాన్ని ఎందుకు నిలిపివేశారనే దానిపై సంస్థ నుంచి అధికారిక ప్రకటన వెలువడలేదు.
నిర్మల్ పట్టణంలోని కొత్త కాలనీల్లో సరైన రోడ్లు, మురికి కాలువలు లేక స్థానికులు తీవ్ర ఇబ్బందులు ఎదుర్కొంటున్నారు. వర్షం కురిస్తే రోడ్లు బురదమయంగా మారుతున్నాయని, రాత్రి వేళల్లో వాహనదారులు నానా అవస్థలు పడుతున్నారని వాపోతున్నారు.
నిర్మల్లోని శివాజీ చౌరస్తా కూడలి రహదారి గుంతలతో నిండిపోయి ప్రయాణికులకు తీవ్ర ఇబ్బందులు కలిగిస్తోంది. బస్సులు దిగే చోట వర్షపు నీరు నిలిచిపోవడంతో పాటు, అధికారులు తాత్కాలిక మరమ్మతులతో సమస్యను మరింత జటిలం చేశారని స్థానికులు ఆరోపిస్తున్నారు.
ఇతర ప్రాంతాల నుంచి వచ్చి బెల్లంపల్లిలో ఇంటర్ చదువుతున్న ముగ్గురు బాలికలు మనస్పర్థల కారణంగా ఆత్మహత్యాయత్నం చేసుకున్నారు. గురువారం రాత్రి గదిలో హెయిర్ డై తాగిన వారిని ఆసుపత్రులకు తరలించారు. ప్రస్తుతం వారి ఆరోగ్యం నిలకడగా ఉంది.
ప్రొద్దుటూరు ప్రభుత్వ ఆసుపత్రిలో అనారోగ్యంతో మరణించిన గుర్తుతెలియని వ్యక్తికి బంధువులు లేకపోవడంతో, మే ఐ హెల్ప్ యు ఫౌండేషన్ సభ్యులు ముందుకు వచ్చి గౌరవప్రదంగా అంతిమ సంస్కారాలు నిర్వహించారు. పోలీసుల సమాచారంతో స్పందించిన ఫౌండేషన్ సభ్యులు శుక్రవారం హిందూ సంప్రదాయం ప్రకారం అంత్యక్రియలు పూర్తి చేశారు.
తానూర్ మండలంలోని ఝరి (బి) గ్రామానికి చెందిన లబ్ధిదారులకు ముఖ్యమంత్రి సహాయనిధి (సీఎంఆర్ఎఫ్) చెక్కులను ముధోల్ మాజీ ఎమ్మెల్యే గడ్డిగారి విఠల్ రెడ్డి పంపిణీ చేశారు. జోందలే సాగర్బాయి కుటుంబానికి రూ.60 వేల చెక్కును, సాదియా బేగం, షేక్ రజాక్కు సుమారు రూ.15 వేల చెక్కును ఆయన అందజేశారు.
బానోత్ వసంత్రావు నియామకం
తెలంగాణలో వర్షాభావ పరిస్థితులు తీవ్రమవుతున్నాయి. దీనికితోడు రిజర్వాయర్లలో నీటి నిల్వలు గణనీయంగా తగ్గిపోవడంతో, హైదరాబాద్ తో సహా అనేక ప్రాంతాల్లో తాగునీటి సరఫరాకు తీవ్ర ఆటంకాలు ఏర్పడుతున్నాయి. రోజువారీ సరఫరా మూడు రోజులకు ఒకసారికి పరిమితమైంది.
దేశవ్యాప్తంగా గత ఆరు నెలల్లో 554 మంది భర్తలు హత్యలు లేదా ఆత్మహత్యల కారణంగా మరణించినట్లు గురుగ్రామ్కు చెందిన 'ఏకం న్యాయ్ ఫౌండేషన్' ఒక నివేదికను విడుదల చేసింది. 2026 జనవరి 1 నుండి జులై 14 వరకు మీడియాలో ప్రచురితమైన వార్తల ఆధారంగా ఈ నివేదికను రూపొందించినట్లు సంస్థ తెలిపింది.
భారత అంతరిక్ష పరిశోధన చరిత్రలో ఒక మైలురాయిగా నిలిచే రోజు నేడు. హైదరాబాద్ కేంద్రంగా పనిచేస్తున్న స్కైరూట్ ఏరోస్పేస్ సంస్థ అభివృద్ధి చేసిన 'విక్రమ్-1' అనే తొలి ప్రైవేట్ ఆర్బిటల్ రాకెట్ను శ్రీహరికోట నుంచి ప్రయోగించనున్నారు. 'ఆగమన్' మిషన్ పేరుతో ఈ ప్రయోగం జరగనుంది. ఇది దేశ అంతరిక్ష రంగంలో ప్రైవేట్ భాగస్వామ్యానికి నిదర్శనంగా నిలుస్తుంది.
తెలంగాణలో ప్రభుత్వ పాఠశాలలు, గురుకులాల్లో చదువుతున్న విద్యార్థులకు ఆగస్టు 15 నాటికి కొత్త యూనిఫామ్లు, కిట్లు అందనున్నాయి. దాదాపు 27 లక్షల మంది విద్యార్థులకు ఈ సౌకర్యం కల్పించనుంది ప్రభుత్వం.
ఉద్యోగాలు, ఉన్నత చదువుల కోసం నగరానికి వచ్చే మహిళలు, విద్యార్థినుల భద్రతను పటిష్ఠం చేసేందుకు హైదరాబాద్ సిటీ పోలీస్ 'ప్రాజెక్ట్ సేఫ్ స్టే' కార్యక్రమాన్ని ప్రారంభించింది. ఈ నేపథ్యంలో హాస్టళ్లు, పీజీల నిర్వాహకులకు కొత్త మార్గదర్శకాలు జారీ చేయబడ్డాయి.
మిర్యాలగూడ పట్టణాన్ని అన్ని రంగాలలో అభివృద్ధి పరచడమే లక్ష్యంగా పనిచేస్తానని ఎమ్మెల్యే బత్తుల లక్ష్మా రెడ్డి అన్నారు. శుక్రవారం హనుమాన్ పేట ఫ్లైఓవర్ బ్రిడ్జి కింద చేపట్టనున్న సుందరీకరణ పనుల్లో భాగంగా పబ్లిక్ టాయిలెట్స్ నిర్మాణానికి శంకుస్థాపన చేసి ఆయన మాట్లాడారు. ఈ పనుల ద్వారా పట్టణాన్ని ఆహ్లాదకరంగా తీర్చిదిద్దుతామని తెలిపారు.
కాంగ్రెస్ ప్రభుత్వం అమలు చేస్తున్న పారదర్శక పాలనలో భాగంగా, రెవిన్యూ శాఖ మంత్రి పొంగులేటి శ్రీనివాస్ రెడ్డి వినూత్న ఆలోచనతో రూపొందించిన భూముల రీ సర్వే కార్యక్రమాన్ని రైతులు సద్వినియోగం చేసుకోవాలని మిర్యాలగూడ ఎమ్మెల్యే బత్తుల లక్ష్మారెడ్డి (బి.ఎల్.ఆర్) పిలుపునిచ్చారు. ఈ సర్వే ద్వారా భూ సమస్యలకు శాశ్వత పరిష్కారం లభిస్తుందని ఆయన తెలిపారు.
భూముల సర్వే, రీ సర్వే ప్రక్రియల ద్వారా భూ సమస్యలు, వివాదాలు పరిష్కారం అవుతాయని జిల్లా కలెక్టర్ భవేశ్ మిశ్రా అన్నారు. శుక్రవారం కలెక్టరేట్ లోని సమావేశ మందిరంలో అధికారులతో నిర్వహించిన సమీక్షా సమావేశంలో ఆయన ఈ విషయాలు వెల్లడించారు.
TPCC వ్యవహారాల ఇన్ఛార్జ్ మీనాక్షి నటరాజన్ నామినేషన్ తిరస్కరణపై రిటర్నింగ్ ఆఫీసర్ (RO) నిర్ణయమే అంతిమమని చీఫ్ ఎలక్షన్ కమిషనర్ (CEC) జ్ఞానేశ్ కుమార్ స్పష్టం చేశారు. రాజ్యసభ ఎన్నికల్లో మధ్యప్రదేశ్ నుంచి పోటీ చేసిన ఆమె నామినేషన్ ను RO తిరస్కరించారు.
ఫ్రైడేను డ్రైడేగా పాటించాలని ఎంపిఓ అజీజ్ ఖాన్ సూచించారు. నిర్మల్ జిల్లా సారంగాపూర్ మండలంలోని ఆలూరు గ్రామంలో ఆయన మురికి కాలువ పూడిక పనులు పర్యవేక్షించారు. ఇంటి పరిసరాల్లో నీరు నిలిచిపోకుండా చూసుకోవాలని, దోమల నివారణ చర్యలు చేపట్టాలని సూచించారు.