నిర్మల్ జిల్లా సారంగాపూర్ మండలం తాండ్ర. జి గ్రామానికి చెందిన కాంగ్రెస్ కార్యకర్త జగత్ ప్రసాద్ తల్లి, వైకుంఠ పూర్ (ధోనిగమ్) గ్రామానికి చెందిన గ్రామ కారోబార్ చుక్క బోట్ల రాజేశ్వర్ మరణించిన కుటుంబాలను సారంగాపూర్ మాజీ జడ్పీటీసీ సభ్యుడు పత్తి రెడ్డి రాజేశ్వర్ రెడ్డి సోమవారం పరామర్శించారు.
ఖానాపూర్ మండలంలో పాకాల నుండి నీటి విడుదల, ఆరుతడి పంటలపై సమీక్ష కోసం అధికారులు నిర్వహించిన సమావేశంలో రైతులకు సంతృప్తికరమైన సమాధానం లభించకపోవడంతో వారు ఆగ్రహం వ్యక్తం చేశారు. దీంతో ఖానాపూర్ రైతు వేదిక వద్ద ధర్నాకు దిగారు. ఈ సందర్భంగా బిఆర్ఎస్, కాంగ్రెస్ పార్టీల మధ్య వాగ్వాదం జరిగింది.
ఖానాపూర్ పట్టణంలో వర్షాల కోసం ప్రత్యేక ప్రార్థనలు నిర్వహించారు. గాయత్రి బ్రాహ్మణ సంఘం ఆధ్వర్యంలో సోమవారం వరుణ పాశుపతి సాహిత వరుణ హోమ మహోత్సవం జరిగింది. ఈ కార్యక్రమంలో నిర్మల్ జిల్లా డిసిసి ఉపఅధ్యక్షులు, మాజీ మున్సిపల్ చైర్మన్ రాజుర సత్యం కూడా పాల్గొన్నారు.
వరంగల్ నగరంలోని ప్రసిద్ధ భద్రకాళి దేవస్థానం ప్రాంగణంలో ఇకపై ఇన్స్టాగ్రామ్, యూట్యూబ్ రీల్స్ వంటి సామాజిక మాధ్యమాల కోసం వీడియోలు చిత్రీకరించడాన్ని ఆలయ అధికారులు పూర్తిగా నిషేధించారు. భక్తుల సౌకర్యార్థం, ఆలయ పవిత్రతను కాపాడేందుకు ఈ నిర్ణయం తీసుకున్నట్లు వారు తెలిపారు. ఈ మేరకు దేవస్థానం ప్రాంగణంలో సూచనా ఫ్లెక్సీలను ఏర్పాటు చేశారు.
కాన్పూర్కు చెందిన 32 ఏళ్ల మహిళ టాటూ వేయించుకోవడానికి వెళ్లిన చోట నిర్లక్ష్యం కారణంగా హెచ్ఐవీ బారిన పడింది. ఢిల్లీలోని ఒక పార్లర్లో టాటూ వేయించుకున్న తర్వాత ఆమె శరీరంలో తీవ్రమైన ఇన్ఫెక్షన్తో పాటు హెచ్ఐవీ ఉన్నట్లు వైద్యులు నిర్ధారించారు. కలుషితమైన సూది వాడకమే దీనికి కారణమని ప్రాథమికంగా తేలింది.
విద్యా సంవత్సరం ప్రారంభమై నెల రోజులు గడిచినా నిర్మల్ జిల్లాలోని ప్రభుత్వ పాఠశాల విద్యార్థులకు యూనిఫాంలు అందకపోవడంపై PDSU తీవ్ర ఆగ్రహం వ్యక్తం చేసింది. విద్యార్థులకు సకాలంలో రెండు జతల యూనిఫాంలు అందించాలని, లేనిపక్షంలో ఆందోళనలు చేపడతామని PDSU జిల్లా అధ్యక్షులు సింగరి వెంకటేష్ హెచ్చరించారు.
నిర్మల్ ఎంపీడీవోగా ఇటీవల బాధ్యతలు స్వీకరించిన సలేంద్ర సుధాకర్ ను ముదిరాజ్ సంఘం నాయకులు, సర్పంచ్, ఉప సర్పంచ్ లు జిల్లా నాయకుల ఆధ్వర్యంలో ఘనంగా సన్మానించారు. వారికి శాలువాతో సన్మానం చేసి, పూల బుక్కెను అందజేసి, మిఠాయిలు తినిపించి శుభాకాంక్షలు, అభినందనలు తెలియజేశారు.
భైంసాలోని ముధోల్ అసెంబ్లీ కాంగ్రెస్ పార్టీ ఇంచార్జి, మాజీ ఎమ్మెల్యే నారాయణరావు పటేల్ క్యాంపు ఆఫీసులో ముధోల్ అసెంబ్లీ యువజన కాంగ్రెస్ సమీక్ష సమావేశం జరిగింది. రాష్ట్ర, జిల్లా అధ్యక్షుల ఆదేశాల మేరకు గ్రామ కమిటీల ఏర్పాటుపై చర్చించారు. యువత రాజకీయాల్లో క్రియాశీలకంగా మారాలని నాయకులు పిలుపునిచ్చారు.
నిర్మల్ జిల్లాలోని ప్రైవేట్ కార్పొరేట్ ఆసుపత్రులు, రక్త పరీక్షల ల్యాబ్లలో అధికంగా వసూలు చేస్తున్న ఫీజులపై అంబేద్కర్ యువజన సంఘం దృష్టి సారించింది. ఈ విషయంపై అదనపు కలెక్టర్ కిషోర్ కుమార్ కు సంఘం జిల్లా అధ్యక్షుడు బత్తుల రంజిత్ వినతి పత్రం అందజేశారు.
నిర్మల్ జిల్లా భారతీయ జనతా యువ మోర్చా (బీజేవైఎం) అధ్యక్షునిగా దొడ్డికింది నిరంజన్ రెడ్డిని రాష్ట్ర నాయకత్వం నియమించింది. దిలావర్ పూర్ మండలానికి చెందిన నిరంజన్ రెడ్డి నియామకంపై పార్టీ శ్రేణులు హర్షం వ్యక్తం చేశాయి.
లోకేశ్వరం మండలంలోని అవర్గ, కిష్టాపూర్ గ్రామపంచాయతీల పరిధిలో ఎక్సైజ్ ఎస్సై గజానంద్ ఆధ్వర్యంలో సోమవారం ఈత మొక్కలు నాటారు. పర్యావరణ పరిరక్షణతో పాటు గౌడ సంప్రదాయానికి ప్రతీకగా నిలిచే ఈత చెట్లను భావితరాల కోసం పరిరక్షించాల్సిన అవసరం ఉందని ఆయన తెలిపారు.
భావి భారత పౌరులను ఉత్తమ వ్యక్తిత్వం కలిగిన వారిగా తీర్చిదిద్దడంలో గురువులదే కీలక పాత్ర అని చర్చ్ ఆఫ్ సౌత్ ఇండియా (సీఎస్ఐ) మెదక్ అధ్యక్ష మండలి హాస్టల్ బోర్డు కన్వీనర్ సూర్య జేమ్స్ అన్నారు. సిద్దిపేటలోని సీఎస్ఐ డే కేర్ సెంటర్ను సందర్శించిన ఆయన విద్యార్థులకు క్రమశిక్షణ, నైతిక విలువలు, దైవజ్ఞానం పెంపొందించాలని సూచించారు.
కుబీర్ మండలంలోని నిగ్వా మండల పరిషత్ ప్రాథమిక పాఠశాలలో విద్యార్థులకు సోమవారం స్వర్గీయ రాచేవాడ్ పద్మావతి స్మారకార్థం టీ-షర్టులను పంపిణీ చేశారు. రాచేవాడ్ గంగాప్రసాద్ ఆధ్వర్యంలో జరిగిన ఈ కార్యక్రమంలో విద్యార్థులకు ఉచితంగా టీ-షర్టులు అందజేశారు.
యునైటెడ్ అరబ్ ఎమిరేట్స్లోని రాస్ అల్ ఖైమాలో ఎమిరేట్స్ తెలంగాణ కల్చరల్ అండ్ వెల్ఫేర్ అసోసియేషన్ ఆధ్వర్యంలో ఆదివారం మహంకాళి అమ్మవారి బోనాల మహోత్సవం ఘనంగా జరిగింది. ఈ వేడుకలకు మైత్రి గ్రూప్స్ వ్యవస్థాపకుడు కొత్త జైపాల్ రెడ్డి ముఖ్య అతిథిగా హాజరయ్యారు. విదేశీ గడ్డపై తెలంగాణ సంస్కృతి, సంప్రదాయాలను సజీవంగా ఉంచుతూ బోనాలు, బతుకమ్మ వంటి పండుగలను నిర్వహించడం అభినందనీయమని ఆయన అన్నారు.
భవిష్యత్ భారత పౌరులలో ఉత్తమ వ్యక్తిత్వాన్ని పెంపొందించే బాధ్యత గురువులదేనని చర్చ్ ఆఫ్ సౌత్ ఇండియా (సీఎస్ఐ) మెదక్ అధ్యక్ష మండలి హాస్టల్ బోర్డు కన్వీనర్ సూర్య జేమ్స్ అన్నారు. సోమవారం సిద్దిపేటలోని సీఎస్ఐ డే కేర్ సెంటర్ను సందర్శించి ఆయన అక్కడి పరిస్థితులను సమీక్షించారు.
నిర్మల్కు చెందిన ప్రముఖ పద్యకవి, సంస్కృత భాషా ప్రచార సమితి వ్యవస్థాపక అధ్యక్షులు డాక్టర్ బి. వెంకట్ హైదరాబాదులో జరిగిన స్వర్ణావధానంలో పృచ్ఛక సన్మానం అందుకున్నారు. అక్షరకౌముది సాహిత్య సాంస్కృతిక సేవా సంస్థ, తెలంగాణ సాహిత్య అకాడమీ సంయుక్తంగా ఈ కార్యక్రమాన్ని నిర్వహించాయి.
కడెం మండలంలోని బెల్లాల్ గ్రామపంచాయతీ కార్యాలయంలో ఓటరు జాబితా ప్రత్యేక సవరణ ప్రక్రియపై సోమవారం గ్రామసభ జరిగింది. ఈ సభకు ఉప తహసీల్దార్ శ్రీమతి బొంతల లక్ష్మి భూమన్న యాదవ్ హాజరై, మరణించిన, ఇతర ప్రాంతాలకు వెళ్లిన, నివాసం మార్చుకున్న ఓటర్ల వివరాలపై సమీక్షించి, నిర్ధారణ ప్రక్రియపై చర్చించారు.
సరూర్నగర్లో జరిగిన BRS పార్టీ యువ సంగ్రామ సభలో, ఆ పార్టీ నాయకులు లోక్సభలో ప్రతిపక్ష నాయకులు శ్రీ రాహుల్ గాంధీ, ప్రియాంక గాంధీ, ముఖ్యమంత్రి ఎ. రేవంత్ రెడ్డి పై చేసిన వ్యాఖ్యలను యువజన కాంగ్రెస్ తీవ్రంగా ఖండించింది. దీనిపై బైంసా టౌన్ పోలీస్ స్టేషన్లో ఫిర్యాదు చేశారు.
కొండూకూర్ ప్రభుత్వ పాఠశాలలో ఈరోజు విద్యార్థులకు నులిపురుగుల నివారణ మందుల పంపిణీ కార్యక్రమం జరిగింది. సర్పంచ్ శ్రీ భీమేష్, ఉప సర్పంచ్ ఫోరం జిల్లా అధ్యక్షులు శ్రీ పొద్దుటూరి సంపత్ రెడ్డి ఆధ్వర్యంలో ఈ కార్యక్రమం విజయవంతంగా పూర్తయింది.
సారంగాపూర్ మండలానికి చెందిన శివరాత్రి నర్సయ్య ఉపాధి కోసం గల్ఫ్ దేశానికి వెళ్లి, అక్కడ గుండెపోటుతో మృతి చెందారు. ఈ విషాదంతో కుదేలైన ఆయన కుటుంబానికి అండగా నిలిచేందుకు సమాజ సేవకుడు రౌడీ సింగర్ గోపి ఆధ్వర్యంలో యువకులు, మిత్రులు ముందుకు వచ్చారు.
