తెలంగాణ రాష్ట్రంలో వర్షాభావ పరిస్థితులకు ఉపశమనం లభిస్తూ, సీజన్ ప్రారంభమైన తర్వాత తొలిసారిగా పలు జిల్లాల్లో భారీ నుంచి ఓ మోస్తరు వర్షాలు కురుస్తున్నాయి. సోమవారం మధ్యాహ్నం నుంచి ప్రారంభమైన వర్షం మంగళవారం రోజంతా కొనసాగి, ఉత్తర, మధ్య తెలంగాణ జిల్లాల్లో ముసురు వాతావరణం నెలకొంది.
ఆంధ్రప్రదేశ్లో తల్లికి వందనం పథకం కింద అర్హులైన విద్యార్థుల తల్లుల ఖాతాల్లో బుధవారం ప్రభుత్వం డబ్బులు జమ చేయనుంది. స్కూల్, ఇంటర్ విద్యార్థుల తల్లులకు ఒక్కొక్కరికీ రూ.13 వేల చొప్పున నగదు అందనుంది. ఈ విద్యా సంవత్సరానికి రూ.10,120.78 కోట్లు విడుదల చేయనున్నారు.
యాక్టివిస్ట్ సోనమ్ వాంగ్చుక్ను కేంద్రమంత్రులు జితేంద్ర సింగ్, జేపీ నడ్డా గురుగ్రామ్లోని మేదాంత హాస్పిటల్లో పరామర్శించారు. ఆయన ఆరోగ్య పరిస్థితిపై వైద్యులతో మాట్లాడి ఆరా తీశారు.
తెలంగాణ రాష్ట్ర ప్రభుత్వం కీలక నిర్ణయం తీసుకుంది. కాంగ్రెస్ పార్టీకి చెందిన ముగ్గురు ఎమ్మెల్యేలకు ప్రభుత్వ విప్లుగా పదోన్నతి కల్పిస్తూ, వారికి మంత్రి హోదాను కూడా మంజూరు చేస్తూ అధికారిక ఉత్తర్వులు జారీ చేసింది. ఈ నియామకాలు రాష్ట్ర రాజకీయాల్లో చర్చనీయాంశంగా మారాయి.
తెలంగాణ రాష్ట్రంలో రాగల నాలుగు రోజులు పాటు వర్షాలు కురిసే అవకాశం ఉందని వాతావరణ శాఖ వెల్లడించింది. బుధవారం లేదా గురువారం బంగాళాఖాతంలో మరో అల్పపీడనం ఏర్పడనుండటంతో ఈ వాతావరణ మార్పులు చోటుచేసుకుంటాయని అధికారులు తెలిపారు. నేడు పలు జిల్లాలకు ఎల్లో అలర్ట్ జారీ చేశారు.
తిరుమల తిరుపతి దేవస్థానం (టీటీడీ) కీలక నిర్ణయం తీసుకుంది. భక్తుల రద్దీని దృష్టిలో ఉంచుకొని, బుధవారం జారీ చేయాల్సిన ఎస్ఎస్డీ టోకెన్లను రద్దు చేసింది. శుక్రవారం దర్శనానికి సంబంధించిన టోకెన్ల జారీ రేపటి నుంచి యథావిధిగా కొనసాగుతుందని తెలిపింది.
ఉక్రెయిన్ తీరంలో రష్యా దళాలు జరిపిన క్షిపణి దాడిలో కేరళకు చెందిన 26 ఏళ్ల యువ నావికుడు అఖిల్ జోయన్ మరణించారు. ఒడెస్సా సమీపంలో ప్రయాణిస్తున్న 'ఎమ్వి గోల్డెన్ లియో' నౌకపై జరిగిన ఈ దాడిలో నలుగురు భారతీయులు మరణించారు. పెళ్లికి రెండు నెలల ముందు జరిగిన ఈ ఘటన ఆ కుటుంబంలో తీవ్ర విషాదాన్ని నింపింది.
నీట్ పరీక్ష అంశంపై నిరసన వ్యక్తం చేస్తున్న విద్యార్థులకు న్యాయం చేయాలని కోరుతున్న లోక్ సభ ప్రతిపక్ష నాయకుడు రాహుల్ గాంధీని పోలీసులు అరెస్ట్ చేయడాన్ని జిల్లా కాంగ్రెస్ ప్రధాన కార్యదర్శి పోతన్న యాదవ్ తీవ్రంగా ఖండించారు. ప్రజాస్వామ్య విలువలకు ఇది విరుద్ధమని ఆయన అన్నారు.
తమిళనాడులో ఆధ్యాత్మిక యాత్రలో రోడ్డు ప్రమాదంలో వనపర్తికి చెందిన చీర్ల శ్యామ్ సాగర్ (స్వామి) మృతి చెందారు. ఈ ప్రమాదంలో గాయపడిన వారిని స్వస్థలానికి తీసుకురావడం, మృతదేహాన్ని తరలించడం, ఆర్థిక భారం తగ్గించేందుకు వనపర్తి ఎమ్మెల్యే తూడి మేఘారెడ్డి వెంటనే స్పందించి రూ.1.15 లక్షల ఆర్థిక సాయం అందజేశారు.
నీట్ పరీక్ష పేపర్ లీక్, విద్యార్థులపై లాఠీచార్జ్ నిరసనగా కాంగ్రెస్ పార్టీ ప్రధానమంత్రి నివాసం సమీపంలో ఆందోళన చేపట్టింది. రాహుల్ గాంధీ, మల్లికార్జున ఖర్గే నాయకత్వంలో ఎంపీలు, సీనియర్ నేతలు ధర్నాలో పాల్గొన్నారు.
పోలీసుల గాలింపు
రానున్న 2027 పుష్కరాలకు వీలుగా బాదం కుర్తి గ్రామంలో గోదావరి ఒడ్డున పుష్కర ఘాటు నిర్మించాలని కోరుతూ స్థానిక నాయకులు ఖానాపూర్ ఎమ్మెల్యే వేడుమ బోజు పటేల్ను కలిసి వినతి పత్రం సమర్పించారు. ఎమ్మెల్యే సానుకూలంగా స్పందించారని తెలిపారు.
రామగుండం పోలీస్ కమిషనరేట్ ఆదేశాల మేరకు, మంచిర్యాల డీసీపీ, జైపూర్ ఏసీపీ సూచనలతో, జైపూర్ సీఐ కె. నవీన్ కుమార్ ఆధ్వర్యంలో భీమారం గ్రామం లంబాడి తండాలో పోలీసులు కార్డన్ అండ్ సెర్చ్ ఆపరేషన్ నిర్వహించారు. ఈ క్రమంలో అనుమానాస్పద వ్యక్తులను విచారించి, ఇళ్లలో, పరిసర ప్రాంతాల్లో తనిఖీలు చేపట్టారు.
రానున్న 2027 పుష్కరాల సందర్భంగా గోదావరి ఒడ్డున ఉన్న బాదం కుర్తి గ్రామానికి పుష్కర ఘాటు నిర్మించాలని కోరుతూ బాదం కుర్తి నాయకులు ఖానాపూర్ శాసనసభ్యులు వేడుమ బోజు పటేల్ను కలిసి వినతి పత్రం సమర్పించారు. ఎమ్మెల్యే సానుకూలంగా స్పందించినట్లు వారు తెలిపారు.
రామగుండం పోలీస్ కమిషనర్ అంబర్ కిషోర్ ఝా భీమారం పోలీస్ స్టేషన్ను ఆకస్మికంగా తనిఖీ చేశారు. స్టేషన్ పరిసరాలు, అధికారుల పనితీరు, రికార్డులను సమీక్షించారు. ఆన్లైన్ వివరాల నమోదు, నేరాల తీరు, శాంతిభద్రతలపై అధికారులను అడిగి తెలుసుకున్నారు.
లోకేశ్వరం ప్రభుత్వ జూనియర్ కళాశాలను జిల్లా ఇంటర్మీడియట్ విద్యా ధికారి (డీఐఈఓ) జాదవ్ పరశురాం ఆకస్మికంగా సందర్శించారు. కళాశాలలో జరుగుతున్న విద్యా బోధన, విద్యార్థుల హాజరు శాతం, రికార్డుల నిర్వహణను ఆయన క్షుణ్ణంగా పరిశీలించారు. ఈ సందర్భంగా విద్యా ప్రమాణాలు పెంచేలా అధ్యాపకులకు పలు సూచనలు చేశారు.
పంట కుంటలు (ఫార్మ్ పాండ్స్) నిర్మించుకోవడం ద్వారా సాగునీటి సమస్యను అధిగమించి పంటలను కాపాడుకోవచ్చని మామడ మండల పంచాయతీ అధికారి (ఎంపీఓ) లింగాల హరికృష్ణ అన్నారు. రాయదారి గ్రామంలో మంగళవారం రైతులకు ఫార్మ్ పాండ్స్ నిర్మాణం వల్ల కలిగే ప్రయోజనాలపై అవగాహన కార్యక్రమం నిర్వహించారు.
భైంసా పట్టణంలోని శ్రీ సరస్వతీ శిశు మందిర్ పాఠశాల ఆచార్యురాలు అతిమముల అపర్ణ అనారోగ్యంతో మంగళవారం తుదిశ్వాస విడిచారు. ఆమె కొంతకాలంగా అనారోగ్యంతో బాధపడుతూ హైదరాబాద్లోని ఓ ప్రైవేటు ఆసుపత్రిలో చికిత్స పొందుతున్నారు.
మామడ మండల కేంద్రంలో గిరిజనులు భీమన్న పండుగను భక్తిశ్రద్ధలతో ఘనంగా నిర్వహించారు. గ్రామస్థులు, గిరిజన పెద్దలు గ్రామ సమీపంలోని అప్పన్న దేవాలయానికి చేరుకుని ప్రత్యేక పూజలు చేశారు. సమృద్ధిగా వర్షాలు కురిసి, పంటలు బాగా పండాలని, పశుసంపద ఆయురారోగ్యాలతో ఉండాలని అప్పన్న దేవుడిని వేడుకున్నారు.
ఖానాపూర్ పట్టణంలో నిలిచిపోయిన రోడ్డు విస్తరణ, డ్రైనేజీ, సెంట్రల్ లైటింగ్ పనులను పునఃప్రారంభించాలని, అలాగే బస్టాండ్ నుంచి గోదావరి నది తీరం వరకు నూతన రోడ్డు మంజూరు చేయాలని కోరుతూ ఖానాపూర్ మున్సిపల్ చైర్మన్ అంకం మౌనిక మహేందర్, కౌన్సిలర్లు నిర్మల్ జిల్లా కలెక్టర్ భవేష్ మిశ్రాకు సోమవారం వినతి పత్రం సమర్పించారు.