📍* (మనోరంజని తెలుగు టైమ్స్) జూలై 04
శనివారం, 04-07-2026 నాడు మేష రాశి వారికి ఆకస్మిక ప్రయాణాలు, నూతన ఋణాలు, భూవివాదాలు వంటి చికాకులు ఉంటాయి. వృషభ రాశి వారికి నూతన పరిచయాలు, శుభవార్తలు, ఆర్థిక మెరుగుదల, ఆనందకరమైన గృహ వాతావరణం వంటి సానుకూలతలు కనిపిస్తున్నాయి.
శనివారం, 04-07-2026 నాడు రాశిఫలాలు మీకోసం. మేష రాశి వారికి ఆకస్మిక ప్రయాణాలు, నూతన ఋణాలు, వ్యవహారాలలో ఫలితం కనిపించకపోవడం, భూవివాదాలు, వ్యాపారాలలో ఒడిదుడుకులు, ఉద్యోగాలలో నిరుత్సాహం వంటివి ఉంటాయి. సేవ కార్యక్రమాలలో పాల్గొంటారు.
వృషభ రాశి వారికి నూతన వ్యక్తుల పరిచయాలు లాభసాటిగా ఉంటాయి. ఆప్తుల నుండి శుభవార్తలు, ఆర్థిక పరిస్థితి మెరుగుదల, సన్నిహితులతో ఆనందంగా గడపడం, వ్యాపారాలలో లాభాలు, ఉద్యోగాలలో పనిభారం తగ్గడం వంటి సానుకూలతలు ఉంటాయి.
మిధున రాశి వారికి చేపట్టిన పనుల్లో అప్రయత్న విజయం, ఆప్తుల నుంచి కీలక సమాచారం, విలువైన వస్తువుల సేకరణ, దీర్ఘకాలిక సమస్యల పరిష్కారం, వ్యాపారాలు సజావుగా సాగడం, ఉద్యోగాలలో అధికారుల అనుగ్రహం, ధనపరంగా అనుకూలత పెరుగుతాయి.
కర్కాటక రాశి వారికి చేపట్టిన వ్యవహారాలు మందకొడిగా సాగుతాయి. ఆర్థిక పరిస్థితి అంతంత మాత్రంగా ఉంటుంది. పాత ఋణాలు తీర్చడానికి నూతన ఋణాలు చేస్తారు. దూరప్రయాణాలు లాభసాటిగా సాగుతాయి. దైవదర్శనాలు చేసుకుంటారు. ఉద్యోగాలలో కొద్దిపాటి సమస్యలు తప్పవు.
సింహ రాశి వారికి ఋణదాతల ఒత్తిడులు, ప్రయాణాలలో ఆకస్మిక మార్పులు, బంధు మిత్రులతో ఊహించని విభేదాలు, చేపట్టిన పనుల్లో ప్రతిబంధకాలు, స్వల్ప అనారోగ్య సమస్యలు బాధిస్తాయి. వ్యాపార, ఉద్యోగాలు సాధారణంగా సాగుతాయి.
కన్య రాశి వారికి ఇంటా బయట పరిస్థితులు అనుకూలిస్తాయి. కొత్త పనులు ప్రారంభానికి అవరోధాలు తొలగుతాయి. ఆధ్యాత్మిక కార్యక్రమాలలో పాల్గొంటారు. వ్యాపారాలలో పురోగతి, ఉద్యోగాలలో అంచనాలు అందుకోవడం, నిరుద్యోగులకు శుభవార్తలు, దైవ చింతన పెరుగుతాయి.
తుల రాశి వారికి సోదరుల నుంచి ఆకస్మిక ధనప్రాప్తి, ప్రముఖులతో పరిచయాలు, కుటుంబ సభ్యులతో దైవదర్శనాలు, స్థిరాస్తి క్రయ విక్రయలు లాభసాటిగా సాగడం, వృత్తి ఉద్యోగాలలో శ్రమ ఫలించడం, వ్యాపారాలు అభివృద్ధి బాటలో సాగడం వంటివి ఉంటాయి.
వృశ్చిక రాశి వారికి కొన్ని పనులు శ్రమతో కానీ పూర్తికావు. ఆకస్మిక ప్రయాణ సూచనలు, ఇంటా బయట బాధ్యతలు పెరగడం, కుటుంబ సభ్యులతో మాటపట్టింపులు, ఆర్థిక ఇబ్బందుల వలన మానసిక సమస్యలు, వ్యాపార, ఉద్యోగాలు నిరాశ పరుస్తాయి.
ధనస్సు రాశి వారికి ఆదాయానికి మించి ఖర్చులుంటాయి. కుటుంబ సభ్యుల ప్రవర్తన చికాకు పరుస్తుంది. వృధా ప్రయాణాలు చేస్తారు. దూరపు బంధువుల నుండి అరుదైన ఆహ్వానాలు ఆశ్చర్యపరుస్తాయి. వ్యాపారాలు మరింత లాభసాటిగా సాగుతాయి. ఉద్యోగాలు అంతంత మాత్రంగా సాగుతాయి.
మకర రాశి వారికి సన్నిహితుల నుంచి ధనలాభ సూచనలు, విలువైన వస్తు వాహనాలు కొనుగోలు, రాజకీయ వర్గం వారి నుండి అరుదైన ఆహ్వానాలు, చేపట్టిన వ్యవహారాలలో విజయం, వ్యాపారాలు వృద్ధి చెందడం, ఉద్యోగాలలో బాధ్యతల నుండి ఉపశమనము లభిస్తాయి.
