నల్లగొండ జిల్లాలో రాష్ట్రస్థాయి బ్యాడ్మింటన్ క్రీడాకారుల ఎంపిక

నల్లగొండ జిల్లా బ్యాడ్మింటన్ అసోసియేషన్ ప్రతినిధులు రాష్ట్రస్థాయి పోటీల కోసం జిల్లా స్థాయి ఎంపికలను ప్రకటించారు. ఈ ఎంపికలు మే 24న మిర్యాలగూడ హౌసింగ్ బోర్డ్ లోని క్లియోస్పోర్ట్స్ ఇండోర్ స్టేడియంలో జరుగుతాయని జిల్లా కార్యదర్శి పి. నవీన్ కుమార్ తెలిపారు. అండర్ 11, 13, 15, 17, 19 విభాగాలలో బాలురు, బాలికలు పాల్గొనవచ్చు.

ఆసక్తిగల క్రీడాకారులు తమ పేర్లను https://badmintontelangana.com వెబ్సైట్ ద్వారా నమోదు చేసుకోవాలని సూచించారు. ఎంపికైన వారికి మెరిట్ సర్టిఫికెట్లు, మెడల్స్ అందజేయబడతాయి. ఈ ఎంపికైన క్రీడాకారులు జూన్ నుండి ప్రారంభమయ్యే రాష్ట్రస్థాయి పోటీలలో పాల్గొనేందుకు అర్హత సాధిస్తారు.

ఈ ఎంపిక ప్రక్రియకు సంబంధించిన మరిన్ని వివరాల కోసం జిల్లా కోచ్ ఎం. రామకృష్ణను 9948052108 నంబర్ లో సంప్రదించవచ్చని అసోసియేషన్ అధికారులు తెలిపారు. ఈ కార్యక్రమంలో అసోసియేషన్ అధ్యక్షులు డాక్టర్ జి. అంజయ్య, డాక్టర్ టి. ప్రశాంత్, ట్రెజరర్ పి. శరణ్ కుమార్ కూడా పాల్గొన్నారు.