బిజెపి ఆవిర్భావ దినోత్సవం: సారంగాపూర్‌లో వేడుకలు

మండల బిజెపి అధ్యక్షుడు కాల్వ నరేష్ పార్టీ జెండాను ఎగురవేసి, కార్యకర్తలను ఉద్దేశించి ప్రసంగించారు. దేశాభివృద్ధిలో బిజెపి కీలక పాత్ర పోషిస్తోందని ఆయన అన్నారు.

ప్రపంచంలోనే అతిపెద్ద కార్యకర్తల బలం కలిగిన పార్టీగా బిజెపి నిలిచిందని, ఇది పార్టీకి గర్వకారణమని కాల్వ నరేష్ పేర్కొన్నారు.

ఈ సందర్భంగా ఆయన పార్టీ కార్యకర్తలందరికీ ఆవిర్భావ దినోత్సవ శుభాకాంక్షలు తెలియజేశారు. ప్రజాసేవలో అంకితభావంతో పనిచేయాలని కార్యకర్తలకు సూచించారు.

ఈ కార్యక్రమం స్థానిక బిజెపి నాయకులు, కార్యకర్తల సమక్షంలో జరిగింది.