బాసరలో ఘనంగా కెసిఆర్ జన్మదిన వేడుకలు

ఈ సందర్భంగా బాసరలోని శ్రీ జ్ఞాన సరస్వతి దేవాలయంలో కెసిఆర్ పేరు మీద ప్రత్యేక పూజలు నిర్వహించారు. నాయకులు ఆయన ఆయురారోగ్యాలతో నిండు నూరేళ్లు జీవించాలని, రాష్ట్ర అభివృద్ధిలో ఆయన పాత్ర ఇలాగే కొనసాగాలని ఆకాంక్షించారు.

అనంతరం కేక్ కట్ చేసి ఒకరికొకరు మిఠాయిలు పంచుకున్నారు. ఈ వేడుకల్లో భాగంగా పేదలకు అన్నదానం, పండ్ల పంపిణీ వంటి సేవా కార్యక్రమాలు కూడా నిర్వహించారు.

తెలంగాణ రాష్ట్ర సాధకుడు, అపర భగీరథుడిగా పేరుగాంచిన కెసిఆర్ నాయకత్వంపై కార్యకర్తలు తమ అభిమానాన్ని చాటుకున్నారు. ఈ కార్యక్రమంలో బాసర మాజీ ఉపసర్పంచ్ లాల్ మియా, సీనియర్ నాయకులు శ్రీనివాస్ పోశెట్టి, గంగాధర్, మోహిజ్, సాయి కృష్ణ, సాయి ప్రసాద్, రాజు, రవి, పిరాజి, సాయినాథ్ తదితరులు, ప్రజా ప్రతినిధులు మరియు అధిక సంఖ్యలో కార్యకర్తలు పాల్గొన్నారు.