నిర్మల్, జూలై 12
నిర్మల్ జిల్లా, సోన్ మండలంలో ఆదివారం కరెంట్ షాక్తో ఓ రైతు మృతి చెందడం స్థానికంగా విషాదాన్ని నింపింది. బొప్పారం గ్రామానికి చెందిన రాచర్ల ముత్యం అనే రైతు పొలం పనులకు వెళ్లి, విద్యుత్ ట్రాన్స్ఫార్మర్ వద్ద ప్రమాదవశాత్తు విద్యుత్ షాక్కు గురై మరణించాడు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
నిర్మల్ జిల్లా, సోన్ మండలంలో ఆదివారం నాడు కరెంట్ షాక్తో ఓ రైతు మృతి చెందాడు. బొప్పారం గ్రామానికి చెందిన రాచర్ల ముత్యం పొలం పనులకు వెళ్లి, సమీపంలోని ట్రాన్స్ఫార్మర్ వద్ద కరెంట్ చెక్ చేస్తుండగా ఈ ఘోరం జరిగింది. అకస్మాత్తుగా విద్యుత్ షాక్ రావడంతో అక్కడికక్కడే ప్రాణాలు కోల్పోయాడు.
మృతుడి భార్య సులోచన ఇచ్చిన ఫిర్యాదు మేరకు పోలీసులు కేసు నమోదు చేసుకున్నారు. మృతదేహాన్ని పోస్టుమార్టం నిమిత్తం నిర్మల్ ఏరియా ఆసుపత్రికి తరలించారు. ఈ ఘటనతో బొప్పారం గ్రామంలో విషాద ఛాయలు అలుముకున్నాయి. స్థానిక ఎస్ఐ గోపి ఈ వివరాలను వెల్లడించారు.
