నిర్మల్ నియోజకవర్గంలో అభివృద్ధి పనుల కోసం కేంద్ర ప్రభుత్వం రూ. 28.15 కోట్ల నిధులను మంజూరు చేసిందని బీజేఎల్పీ నేత, ఎమ్మెల్యే ఏలేటి మహేశ్వర్ రెడ్డి తెలిపారు. ఈ నిధులతో సీసీ రోడ్లు, డ్రైనేజీలు, వ్యవసాయ గోదాముల నిర్మాణం చేపట్టనున్నట్లు ఆయన వెల్లడించారు.
నియోజకవర్గ పరిధిలోని పలు గ్రామాల్లో నూతన సీసీ రోడ్లు, డ్రైనేజీల నిర్మాణానికి రూ. 19.15 కోట్లు కేటాయించినట్లు ఎమ్మెల్యే మహేశ్వర్ రెడ్డి వివరించారు. ఈ పనులు గ్రామీణ మౌలిక సదుపాయాలను బలోపేతం చేస్తాయని ఆయన అన్నారు.
అలాగే, రూ. 9 కోట్ల వ్యయంతో 30 గ్రామాల్లో వ్యవసాయ గోదాముల నిర్మాణం కూడా మంజూరైనట్లు తెలిపారు. ఈ గోదాములు రైతులు తమ ఉత్పత్తులను భద్రపరచుకోవడానికి ఉపయోగపడతాయని ఆయన పేర్కొన్నారు.
త్వరలోనే ఈ అభివృద్ధి పనులు ప్రారంభం అవుతాయని, గ్రామాల అభివృద్ధికి కేంద్రం ఎల్లప్పుడూ కట్టుబడి ఉందని ఎమ్మెల్యే మహేశ్వర్ రెడ్డి అన్నారు. కేంద్ర ప్రభుత్వ నిధులతోనే గ్రామాల అభివృద్ధి జరుగుతుందని ఆయన తెలిపారు.
