ఎమ్మెల్యే పవార్ రామారావు పటేల్ కుభీర్ మండలంలో పలు అభివృద్ధి, సంక్షేమ కార్యక్రమాల్లో పాల్గొన్న వైనం

కుభీర్ మండల కేంద్రంలోని ఎంపీడీవో కార్యాలయంలో అర్హులైన లబ్ధిదారులకు ఇందిరమ్మ ఇళ్ల మంజూరు పత్రాలను ఎమ్మెల్యే అందజేశారు. పేదల సొంతింటి కలను సాకారం చేసేందుకు ప్రభుత్వం ఈ పథకాన్ని అమలు చేస్తోందని, అర్హులైన ప్రతి కుటుంబానికి సంక్షేమ ఫలాలు అందేలా చూడాలని అధికారులను ఆదేశించారు.

ప్రభుత్వ జూనియర్ కళాశాలలో ఆకస్మిక తనిఖీ నిర్వహించిన ఎమ్మెల్యే, విద్యార్థుల హాజరు, బోధన, మౌలిక వసతులను పరిశీలించారు. ఉపాధ్యాయుల నిర్లక్ష్యాన్ని ప్రశ్నిస్తూ, నాణ్యమైన విద్యను అందించాలని సూచించారు.

మహాత్మా గాంధీ జాతీయ గ్రామీణ ఉపాధి హామీ పథకం కింద సుమారు రూ.1 కోటి వ్యయంతో చేపట్టనున్న సీసీ రోడ్ల నిర్మాణ పనులకు భూమిపూజ చేశారు. గ్రామీణ ప్రాంతాల్లో రహదారి సౌకర్యాల కల్పనకు ప్రభుత్వం ప్రాధాన్యత ఇస్తుందని తెలిపారు.

అనంతరం విఠలేశ్వర స్వామి ఆలయాన్ని దర్శించుకుని, ఆలయ అభివృద్ధి, భక్తులకు మెరుగైన సౌకర్యాల కల్పనపై ఆలయ కమిటీ సభ్యులతో చర్చించారు. ఈ పర్యటనలో పలువురు అధికారులు, ప్రజాప్రతినిధులు, కార్యకర్తలు పాల్గొన్నారు.