హైదరాబాద్, 2026-07-30
అమెరికాలోని మిచిగాన్లో ఒక భర్త తన భార్య, ఆరుగురు పిల్లలను కాల్చి చంపి, ఆ తర్వాత తాను ఆత్మహత్య చేసుకున్న దారుణ ఘటన వెలుగులోకి వచ్చింది. మరణించిన మహిళ, తన భర్తకు ఒక యువ ఇంటర్న్తో అక్రమ సంబంధం ఉందని, అదే తమ వైవాహిక జీవితంలో సమస్యలకు కారణమైందని 'రెడిట్' (Reddit)లో సంచలన ఆరోపణలు చేసింది.
అమెరికాలోని మిచిగాన్లో దారుణం చోటుచేసుకుంది. భార్య, ఆరుగురు పిల్లలను కాల్చి చంపి, ఆ తర్వాత భర్త ఆత్మహత్యకు పాల్పడ్డాడు. మరణించిన మహిళ, తన భర్తకు ఒక యువ ఇంటర్న్తో అక్రమ సంబంధం ఉందని, అదే తమ బంధంపై ప్రభావం చూపిందని 'రెడిట్' (Reddit)లో సంచలన ఆరోపణలు చేసింది.
మిచిగాన్లోని గ్రాండ్ హేవన్ టౌన్షిప్లో నివాసం ఉంటున్న 47 ఏళ్ల క్రిస్టోఫర్ కరోల్కీవిచ్, తన భార్య 39 ఏళ్ల అమాండా కరోల్కీవిచ్ మరియు 5 నుంచి 15 ఏళ్ల మధ్య వయస్సు గల తమ ఆరుగురు పిల్లలను కాల్చి చంపి, ఆపై తన ప్రాణాలను కూడా తీసుకున్నాడు. కాల్పుల అనంతరం ఇంటి లోపల పలు చోట్ల ఉద్దేశపూర్వకంగానే నిప్పు పెట్టారని దర్యాప్తు అధికారులు భావిస్తున్నారు. ఇంటికి మంటలు అంటుకుంటున్న సమయంలో అత్యవసర సేవల సిబ్బందిని పిలిచిన తర్వాత, ఆ దంపతులు, వారి పిల్లల మృతదేహాలు కనుగొనబడ్డాయి.
సోమవారం ఒట్టావా కౌంటీ షెరీఫ్ కార్యాలయం ఆ కుటుంబంలోని ఎనిమిది మంది సభ్యులు తుపాకీ గాయాలతో మరణించినట్లు ధృవీకరించింది. ఈ సంఘటనను హత్య-ఆత్మహత్యగా అనుమానిస్తున్నట్లు పేర్కొంది. ఈ అగ్నిప్రమాదంలో ఆ కుటుంబ పెంపుడు జంతువులు కూడా మరణించాయని అధికారులు తెలిపారు.
మాండీ 2024లో 'MandyK1179' అనే రెడిట్ (Reddit) వినియోగదారు పేరుతో తన వివాహం గురించి ఒక పోస్ట్ చేశారు. ఆ పోస్ట్లో తాను ఇంటర్న్గా పనిచేస్తున్నప్పుడు క్రిస్టోఫర్ను కలిశానని, అప్పటికి ఆయన ఆమె కంటే వయసులో పెద్దవారై ఉండటమే కాకుండా, విడాకులు తీసుకుని ఉన్నారని పేర్కొన్నారు. సంవత్సరాల తర్వాత కలిసి ఒక జీవితాన్ని నిర్మించుకుని, పిల్లలను పెంచి పెద్దవారయ్యాక, క్రిస్టోఫర్ మరొక ఇంటర్న్తో సంబంధం పెట్టుకున్నాడని మాండీ ఆరోపించింది. ఆ ఇంటర్న్, తాను ఇంటర్న్గా పనిచేసినప్పుడు తన వయసు ఎంత ఉండేదో, అదే వయసులో ఉందని ఆమె పేర్కొంది.
‘అతను విడాకులు తీసుకున్న వ్యక్తి, పైగా నాకంటే వయసులో పెద్దవాడు. పదేళ్ల కాపురం, ఐదుగురు పిల్లలు ఉన్నప్పటికీ, అతను మళ్లీ మోసం చేయడం మొదలుపెట్టాడు. అదీ ఒక ఇంటర్న్తో.. సరిగ్గా నేను ఇంటర్న్గా ఉన్నప్పుడు నా వయసు ఎంత ఉండేదో, ఆమె వయసు కూడా అంతే’ అని మాండీ తన పోస్ట్లో రాసింది. ఏడాది పాటు తనను తాను నిందించుకున్న తర్వాత, తన భర్త చేసిన పనుల భారాన్ని తాను మోయాల్సిన అవసరం లేదని ఆమె గ్రహించింది. ఆ వివాహేతర సంబంధం గురించి తెలిసినప్పటికీ, ప్రధానంగా తన పిల్లల కోసమే ఆ వైవాహిక బంధాన్ని కాపాడుకోవడానికి ప్రయత్నించానని ఆమె చెప్పింది.
‘ఆ సమయంలో నా భర్తపై ఉన్న ద్వేషం కంటే నా పిల్లలపై ఉన్న ప్రేమే చాలా గొప్పదని నాకు నేను పదే పదే చెప్పుకునేదాన్ని. ఈ విషయం గురించి అతనికి అస్సలు తెలియదు. నాలుగూన్నర ఏళ్ల తర్వాత, ఇప్పుడు మా పరిస్థితి మెరుగ్గా ఉన్నప్పటికీ, మా బంధాన్ని ఆరోగ్యంగా ఉంచుకోవడానికి మేము ఇంకా శ్రమించాల్సి వస్తోంది. అతనిలో కొన్ని తీవ్రమైన లోపాలు ఎప్పుడూ ఉండేవి, కానీ నేను వాటిని పట్టించుకోలేదు; ప్రతి విషయంలోనూ అబద్ధం చెప్పడాన్ని ప్రోత్సహించే ఒక విషపూరితమైన కుటుంబ వాతావరణంలో అతను పెరిగాడు’ అని ఆమె తెలిపింది.
