నిర్మల్ జిల్లాలోని కుంటాల ప్రభుత్వ జూనియర్ కళాశాలలో 'ప్రజా పాలన ప్రగతి ప్రణాళిక'లో భాగంగా విద్యా వారోత్సవాలు మే 11న ప్రారంభమయ్యాయి. ఈ కార్యక్రమం మే 17 వరకు కొనసాగనుంది.
ప్రారంభోత్సవ కార్యక్రమంలో భాగంగా, ఇంటరాక్టివ్ ఫ్లాట్ ప్యానెల్స్ (IFPs) మరియు కళాశాల పాంప్లెట్లను ఆవిష్కరించారు. కుంటాల గ్రామ సర్పంచ్ శ్రీ జక్కుల గజేందర్ ముఖ్య అతిథిగా హాజరయ్యారు.
ఈ కార్యక్రమంలో కుంటాల గ్రామ వార్డు సభ్యులు, కళాశాల అధ్యాపకులు, విద్యార్థులు మరియు తల్లిదండ్రులు పాల్గొన్నారు. విద్యార్థుల భవిష్యత్తుకు తోడ్పడే కార్యక్రమాలను ప్రోత్సహించడం ఈ వారోత్సవాల లక్ష్యం.
ముఖ్య అతిథి శ్రీ జక్కుల గజేందర్, విద్యార్థులు విద్యా నైపుణ్యాలను పెంపొందించుకోవాలని, కళాశాల సౌకర్యాలను సద్వినియోగం చేసుకోవాలని సూచించారు. విద్యార్థులు చదువుతో పాటు ఇతర రంగాలలోనూ రాణించాలని ఆకాంక్షించారు.
కళాశాల ప్రిన్సిపల్ G తుకారాం సార్, కళాశాల అభివృద్ధికి అధ్యాపకులు, పోషకులు, గ్రామ ప్రజాప్రతినిధుల సహకారం కోరారు. రాబోయే రోజుల్లో నిర్వహించబోయే విద్యా సంబంధిత కార్యక్రమాలు, పోటీలు విద్యార్థుల విద్యాభివృద్ధికి దోహదపడతాయని తెలిపారు.
