ప్రపంచ హోమియో దినోత్సవం: కుంటాలలో ఉచిత సమగ్ర వైద్య శిబిరం

కుంటాల సర్పంచ్ జక్కుల గజేందర్ ఆధ్వర్యంలో జరిగిన ఈ శిబిరంలో యునాని మెడికల్ ఆఫీసర్ డాక్టర్ నిక్కత్ బేగం, యోగ ఇన్స్ట్రక్టర్ ఎస్. మౌనిక, సిబ్బంది పాల్గొన్నారు. శిబిరంలో హోమియోపతి, ఆయుర్వేదం, యునాని, ప్రకృతి చికిత్స, యోగా వంటి వివిధ వైద్య విధానాల ద్వారా రోగులకు సేవలందించారు. వైద్య పరీక్షలు నిర్వహించి, ఉచితంగా మందులు పంపిణీ చేశారు.

ఈ సందర్భంగా యునాని మెడికల్ ఆఫీసర్ డాక్టర్ నిక్కత్ బేగం పంచాయతీ కార్యదర్శి రాజాబాపును సన్మానించారు. ప్రాచీన వైద్య విధానాలైన యునాని వంటివి దీర్ఘకాలిక వ్యాధులను నయం చేయడంలో సహాయపడతాయని, ప్రజలు వీటిని ఉపయోగించుకోవాలని ఆమె సూచించారు.

గ్రామస్థులు, రోగులు పెద్ద సంఖ్యలో పాల్గొని శిబిరాన్ని సద్వినియోగం చేసుకున్నారు. కార్యక్రమం విజయవంతంగా ముగిసింది.