సారంగాపూర్, జూలై 20
సారంగాపూర్ మండలానికి చెందిన శివరాత్రి నర్సయ్య ఉపాధి కోసం గల్ఫ్ దేశానికి వెళ్లి, అక్కడ గుండెపోటుతో మృతి చెందారు. ఈ విషాదంతో కుదేలైన ఆయన కుటుంబానికి అండగా నిలిచేందుకు సమాజ సేవకుడు రౌడీ సింగర్ గోపి ఆధ్వర్యంలో యువకులు, మిత్రులు ముందుకు వచ్చారు.
సారంగాపూర్ మండలానికి చెందిన శివరాత్రి నర్సయ్య ఉపాధి నిమిత్తం గల్ఫ్ దేశానికి వెళ్లి అక్కడ గుండెపోటుతో మృతి చెందారు. ఈ విషాద ఘటనతో కుటుంబం తీవ్ర దుఃఖంలో ఉండగా, వారికి అండగా నిలిచేందుకు సమాజ సేవకుడు రౌడీ సింగర్ గోపి ఆధ్వర్యంలో యువకులు, మిత్రులు ముందుకొచ్చారు.
సోమవారం నర్సయ్య కుటుంబ సభ్యులను పరామర్శించిన వారు, దినకర్మల నిర్వహణ కోసం తమ వంతు సహాయంగా రూ.10 వేల నగదు, ఒక బస్తా బియ్యాన్ని అందజేశారు. ఆపదలో ఉన్న కుటుంబాలకు తోడుగా నిలవడం సమాజంలోని ప్రతి ఒక్కరి బాధ్యత అని ఈ సందర్భంగా రౌడీ సింగర్ గోపి పేర్కొన్నారు.
ఈ కార్యక్రమంలో సాయి, అర్జున్, సుమిత్తో పాటు పలువురు మిత్రులు పాల్గొని మృతుడి కుటుంబ సభ్యులకు ప్రగాఢ సానుభూతి తెలిపారు. భవిష్యత్తులో కూడా కుటుంబానికి అవసరమైన సహాయ సహకారాలు అందించేందుకు తమ వంతు కృషి చేస్తామని తెలిపారు.
