Nirmal/Sarangapur (మనోరంజని తెలుగు టైమ్స్) జూలై 04
నిర్మల్ జిల్లా, సారంగాపూర్ మండలంలోని ఆడెల్లితండాలో రూ. 40 లక్షల నిధులతో చేపట్టనున్న సీసీ రోడ్డు పనులకు బీజేఎల్పీ నేత, ఎమ్మెల్యే ఏలేటి మహేశ్వర్ రెడ్డి శనివారం శంకుస్థాపన చేశారు. భారత ప్రభుత్వ నిధులతో చేపడుతున్న ఈ అభివృద్ధి పనుల ద్వారా గ్రామానికి మెరుగైన మౌలిక వసతులు అందుబాటులోకి వస్తాయని ఆయన పేర్కొన్నారు.
నిర్మల్ జిల్లా, సారంగాపూర్ మండలంలోని ఆడెల్లి గ్రామ అనుబంధ గ్రామం ఆడెల్లితండాలో శనివారం రూ. 40 లక్షల నిధులతో చేపట్టనున్న సీసీ రోడ్డు పనులకు బీజేఎల్పీ నేత, ఎమ్మెల్యే ఏలేటి మహేశ్వర్ రెడ్డి శంకుస్థాపన చేశారు. ఈ సందర్భంగా ఆయన మాట్లాడుతూ, అభివృద్ధి పనుల ద్వారా స్థానిక ప్రజలకు మెరుగైన మౌలిక వసతులు అందుబాటులోకి రావడంతో పాటు గ్రామాభివృద్ధికి మరింత ఊతం లభించనుందని అన్నారు.
భారత ప్రభుత్వ నిధులతో చేపడుతున్న ఈ అభివృద్ధి కార్యక్రమం గ్రామ ప్రజలకు ఎంతో ఉపయోగకరంగా నిలుస్తుందని ఆయన తెలిపారు. తండాకు విచ్చేసిన ఎమ్మెల్యే మహేశ్వర్ రెడ్డికి గ్రామస్తులు ఘన స్వాగతం పలికి, శాలువాతో సన్మానించారు.
ఈ కార్యక్రమంలో గ్రామ సర్పంచ్ దండు సాయన్న, ఉప సర్పంచ్ జ్ఞానేశ్వర్, తండా నాయకులు ప్రేమ సింగ్, పీఆర్ డీఈ తుకారాం, నాయకులు కాల్వ, నరేష్, వడ్డే రాజేందర్ రెడ్డి, గంగారెడ్డి, పతని నర్సయ్య, శేఖర్ గౌడ్, తండా వాసులు పాల్గొన్నారు.
