న్యూఢిల్లీ, 2024-08-07
కేంద్ర ప్రభుత్వ ఆర్థిక నిర్వహణపై కంప్ట్రోలర్ అండ్ ఆడిటర్ జనరల్ (కాగ్) విడుదల చేసిన 202425 నివేదికలో ప్రజాధన వినియోగంపై కీలక ప్రశ్నలు తలెత్తాయి. రూ.54,282 కోట్లకు పైగా ఖర్చుకు సంబంధించిన ధ్రువీకరణ పత్రాలు పెండింగ్లో ఉండటం, పలు శాఖల నుంచి పూర్తి సమాచారం అందకపోవడం వంటి అంశాలు నివేదికలో వెల్లడయ్యాయి.
కేంద్ర ప్రభుత్వ ఆర్థిక నిర్వహణపై కంప్ట్రోలర్ అండ్ ఆడిటర్ జనరల్ (కాగ్) విడుదల చేసిన 202425 నివేదికలో పలు కీలక అంశాలు వెలుగులోకి వచ్చాయి. ప్రజాధన వినియోగంలో పారదర్శకత, జవాబుదారీతనంపై ప్రశ్నలు లేవనెత్తుతూ, రూ.54,282 కోట్లకు పైగా ఖర్చుకు సంబంధించిన వినియోగ ధ్రువీకరణ పత్రాలు ఇంకా పెండింగ్లో ఉన్నాయని నివేదిక పేర్కొంది.
వివరాల కొరత
కాగ్ వివరాల ప్రకారం, మొత్తం 54 కేంద్ర మంత్రిత్వ శాఖల్లో కేవలం 15 శాఖల నుంచే పూర్తి సమాచారం అందింది. మిగిలిన శాఖల వివరాలు అందుబాటులో లేకపోవడంతో వాస్తవంగా లెక్కలు చూపని నిధుల మొత్తం ఇంకా ఎక్కువగా ఉండే అవకాశం ఉందని నివేదిక సూచించింది.
రక్షణ పెన్షన్ల చెల్లింపుల్లో లోపాలు
రక్షణ పెన్షన్ల చెల్లింపుల్లో రూ.3,042 కోట్లకు పైగా వ్యయాన్ని సంబంధిత ఖాతాల్లో నమోదు చేయకుండా మధ్యంతర ఖాతాలో చూపడం వల్ల వాస్తవ ఖర్చు తగ్గినట్లుగా లెక్కలు నమోదయ్యాయని కాగ్ పేర్కొంది. ఇదే విధానం గత రెండు ఆర్థిక సంవత్సరాల్లోనూ కొనసాగిందని నివేదిక వెల్లడించింది.
సెస్లు, సర్చార్జీల బదిలీలో జాప్యం
ఆరోగ్యం, విద్య, మౌలిక సదుపాయాల కోసం వసూలు చేసిన సెస్లు, సర్చార్జీలలో భాగంగా వచ్చిన నిధులు సంబంధిత నిధులకు పూర్తిగా బదిలీ కాలేదని కాగ్ గుర్తించింది. అలాగే అటవీకరణ పరిహారం కింద వసూలు చేసిన వేల కోట్ల రూపాయలు రాష్ట్రాలకు చేరకపోవడం, కొంత మొత్తం బ్యాంకు ఖాతాల్లోనే నిల్వ ఉండడం కూడా నివేదికలో ప్రస్తావించింది.
నిధుల మళ్లింపు, తప్పు ఖాతాల్లో నమోదు
షెడ్యూల్డ్ కులాలు, షెడ్యూల్డ్ తెగల అభివృద్ధి కోసం కేటాయించిన రూ.457 కోట్లకు పైగా నిధులను ఇతర ఖాతాలకు మళ్లించినట్లు కూడా కాగ్ పేర్కొంది. మరోవైపు రూ.12,754 కోట్లకు పైగా ఆదాయం, వ్యయాలను తప్పు ఖాతాల్లో నమోదు చేసిన ఘటనలను గుర్తించింది.
పొదుపుగా చూపిన నిధులు
పార్లమెంట్ 202425 ఆర్థిక సంవత్సరానికి రూ.47.07 లక్షల కోట్ల వ్యయానికి అనుమతి ఇవ్వగా, ప్రభుత్వం రూ.42.85 లక్షల కోట్లు మాత్రమే ఖర్చు చేసి మిగిలిన రూ.4.22 లక్షల కోట్లను పొదుపుగా చూపిందని నివేదిక తెలిపింది. అయితే ఇది నిజమైన పొదుపు కాదని, పథకాల అమలు ఆలస్యం, పరిపాలనా లోపాల కారణంగా ఖర్చు కాలేని నిధులేనని కాగ్ అభిప్రాయపడింది.
పథకాల అమలులో వెనుకబాటు
