నులిపురుగుల నివారణ అందరి బాధ్యత: వైద్యాధికారి డాక్టర్ అబ్దుల్ జవాద్

నిర్మల్, 2026-07-13

సారంగాపూర్ ప్రాథమిక ఆరోగ్య కేంద్రం వైద్యాధికారి డాక్టర్ అబ్దుల్ జవాద్ నులిపురుగుల నివారణ అందరి బాధ్యత అని నొక్కి చెప్పారు. జాతీయ నులిపురుగుల నివారణ దినోత్సవం సందర్భంగా చించోలి బి మైనారిటీ రెసిడెన్షియల్ పాఠశాలలో విద్యార్థినులకు ఆయన మాత్రలను పంపిణీ చేశారు.

నులిపురుగుల నివారణ అనేది సమాజంలో ప్రతి ఒక్కరిపై బాధ్యత ఉంటుందని సారంగాపూర్ ప్రాథమిక ఆరోగ్య కేంద్రం వైద్యాధికారి డాక్టర్ అబ్దుల్ జవాద్ అన్నారు. సోమవారం జాతీయ నులిపురుగుల నివారణ దినోత్సవం సందర్భంగా చించోలి బి మైనారిటీ రెసిడెన్షియల్ పాఠశాలలో విద్యార్థినులకు నులిపురుగుల నివారణ మాత్రలను పంపిణీ చేశారు.

నులిపురుగుల కారణంగా పిల్లల్లో ఎదుగుదల లోపించడం, బుద్ధి మాంద్యం రావడం, రక్తహీనత ఏర్పడటం వంటి సమస్యలు తలెత్తుతాయని ఆయన వివరించారు. వీటి నివారణ కోసం ప్రతి విద్యార్థి ఏడాదికి రెండుసార్లు నులిపురుగుల నివారణ మాత్రలు తీసుకోవాలని సూచించారు. నులిపురుగుల నివారణ విషయంలో సమాజంలో విస్తృత అవగాహన కల్పించాలని ఆయన కోరారు.

కాగా, తమ పీహెచ్‌సీ పరిధిలో 94,16 మందికి ఈ మాత్రలను పంపిణీ చేస్తున్నట్లు ఆయన తెలిపారు. ఈ కార్యక్రమంలో ఆరోగ్య పర్యవేక్షకులు కృష్ణమోహన్ గౌడ్, ఉషారాణి, శ్రీనివాస్, ప్రేమ్ కుమార్, ఆరోగ్య కార్యకర్తలు నుస్రత్, రాజేందర్, ఇంచార్జ్ ప్రిన్సిపాల్ సంగీత, సిబ్బంది ప్రణయసుధ, షగుఫుత, ఆమీనా తదితరులు పాల్గొన్నారు.