చిత్తూరు, 2026-06-05
నగరి ఏరియా ఆసుపత్రిలో సేవలందిస్తున్న డాక్టర్ లోకేష్ కు చిత్తూరు జిల్లా ఉత్తమ వైద్యుడిగా ప్రభుత్వం అవార్డును ప్రకటించింది. జిల్లా కేంద్రంలో జరిగిన కార్యక్రమంలో రాష్ట్ర వైద్య ఆరోగ్యశాఖ మంత్రి సత్య కుమార్ యాదవ్, కలెక్టర్ సుమిత్ కుమార్ చేతుల మీదుగా ఈ పురస్కారాన్ని అందజేశారు.
నగరి ఏరియా ఆసుపత్రిలో విధులు నిర్వహిస్తున్న డాక్టర్ లోకేష్ ను చిత్తూరు జిల్లా ఉత్తమ వైద్యుడిగా ప్రభుత్వం గుర్తించింది. జిల్లా కేంద్రం చిత్తూరులో జరిగిన కార్యక్రమంలో రాష్ట్ర వైద్య ఆరోగ్యశాఖ మంత్రి సత్య కుమార్ యాదవ్, కలెక్టర్ సుమిత్ కుమార్ చేతుల మీదుగా డాక్టర్ లోకేష్ కు ఈ అవార్డును ప్రధానం చేశారు.
రోగుల ప్రశంసలు
డాక్టర్ లోకేష్ ఎంతో సౌమ్యుడని, రోగులకు ఆరోగ్యపరంగా అన్ని విధాల సలహాలు అందిస్తూ, మెరుగైన వైద్యం అందించడంలో ఎప్పుడూ ముందుంటారని పలువురు రోగులు తెలిపారు. ఆయన అందిస్తున్న విశిష్ట వైద్య సేవలను గుర్తించి, ప్రభుత్వం ఈ పురస్కారాన్ని ప్రకటించింది.
కార్యక్రమంలో పాల్గొన్నవారు
ఈ అవార్డు ప్రదానోత్సవ కార్యక్రమంలో చిత్తూరు ఎమ్మెల్యే జగన్మోహన్ నాయుడు, జిల్లా పరిషత్ చైర్మన్ శ్రీనివాసులు, వైద్య ఆరోగ్య సిబ్బందితో పాటు పలువురు అధికారులు పాల్గొన్నారు.
