బోథ్ మోడల్ స్కూల్ జూనియర్ కాలేజ్ విద్యార్థులు పదో తరగతి పరీక్షా ఫలితాల్లో అద్భుతమైన ప్రతిభ కనబరిచి, 100 శాతం ఉత్తీర్ణత సాధించారు. విద్యార్థులు ఉత్తమ మార్కులతో ఉత్తీర్ణులై పాఠశాల కీర్తిని పెంచారు.
తాజాగా విడుదలైన పదో తరగతి ఫలితాల్లో, జే అక్షర 589 మార్కులతో ప్రథమ స్థానాన్ని, అనుదీప్ 566 మార్కులతో ద్వితీయ స్థానాన్ని పొందారు. ఈ విజయం విద్యార్థుల కృషి, ఉపాధ్యాయుల మార్గదర్శకత్వం, తల్లిదండ్రుల సహకారంతోనే సాధ్యమైందని యాజమాన్యం తెలిపింది.
కళాశాల ప్రిన్సిపాల్ డాక్టర్ ఎస్. అనురాధ, వైస్ ప్రిన్సిపాల్ ఎస్. ప్రవీణ్ కుమార్ విద్యార్థులను అభినందించి, వారి భవిష్యత్తుకు శుభాకాంక్షలు తెలిపారు. ఉపాధ్యాయులు కూడా ఈ సందర్భంగా విద్యార్థుల విజయాన్ని ప్రశంసించారు.
