హైదరాబాద్, జూలై 20
ట్రైనీ ఐపీఎస్ అధికారి ఉదయ్ కృష్ణారెడ్డి ఆత్మహత్యాయత్నానికి పాల్పడినట్లు సమాచారం. ఆయనను హైదరాబాద్లోని ఎర్రగడ్డ ప్రాంతంలో ఉన్న ఒక ప్రైవేట్ ఆసుపత్రికి తరలించి చికిత్స అందిస్తున్నారు. తోటి మహిళా అధికారిణి లైంగిక వేధింపుల ఆరోపణలపై ఆయన సస్పెండ్ అయిన నేపథ్యంలో ఈ ఘటన చోటుచేసుకుంది.
ట్రైనీ ఐపీఎస్ అధికారి ఉదయ్ కృష్ణారెడ్డి ఆత్మహత్యాయత్నానికి పాల్పడినట్లు సమాచారం. ఆయనను హైదరాబాద్లోని ఎర్రగడ్డ ప్రాంతంలో ఉన్న ఒక ప్రైవేట్ ఆసుపత్రికి తరలించి చికిత్స అందిస్తున్నట్లు తెలిసింది.
ఇదిలా ఉండగా, తోటి మహిళా ట్రైనీ ఐపీఎస్ అధికారిణిని లైంగికంగా వేధించారనే ఆరోపణలు ఉదయ్ కృష్ణారెడ్డిపై వచ్చిన నేపథ్యంలో, జాతీయ పోలీస్ అకాడమీ (ఎన్పీఏ) అధికారులు ఆయనను తాత్కాలికంగా సస్పెండ్ చేసినట్లు సమాచారం.
మరోవైపు, ఈ ఆరోపణలపై స్పందించిన ఉదయ్ కృష్ణారెడ్డి తనకు ఎలాంటి తప్పు లేదని పేర్కొంటూ వాట్సాప్లో స్టేటస్ పెట్టినట్లు సమాచారం.
అయితే, ఈ ఘటనపై అధికారికంగా పూర్తి వివరాలు వెల్లడికావాల్సి ఉంది. పోలీసులు, సంబంధిత అధికారులు విచారణ కొనసాగిస్తున్నారు.
