మత్తు పదార్థాల నిర్మూలన మరియు ప్రజల్లో అవగాహన కల్పించే లక్ష్యంతో నిర్మల్ జిల్లా వ్యాప్తంగా పోలీసులు 'గంజా గస్తీ' కార్యక్రమాన్ని నిర్వహించారు. జిల్లా ఎస్పీ డా. జి. జానకి షర్మిల పర్యవేక్షణలో ఈ కార్యక్రమం జరిగింది.
జిల్లా వ్యాప్తంగా అన్ని పోలీస్ స్టేషన్ల పరిధిలో నిర్వహించిన ఈ 'గంజా గస్తీ' కార్యక్రమంలో, పోలీస్ అధికారులు మరియు సిబ్బంది వరి కొనుగోలు కేంద్రాలు, గ్రామాల్లోని ప్రజలకు గంజాయి, గుడుంబా వంటి మత్తు పదార్థాల దుష్పరిణామాలపై అవగాహన కల్పించారు.
భైంసా ఏఎస్పీ సాయి కిరణ్ మాటేగాం వరి గోదాంలో రైతులతో సమావేశమై, మత్తు పదార్థాలకు దూరంగా ఉండాలని సూచించారు. సైబర్ నేరాలు, రోడ్డు భద్రత, ట్రాఫిక్ నియమాలపై కూడా అవగాహన కల్పించారు.
గ్రామాల్లో మత్తు పదార్థాల విక్రయాలు, అక్రమ మద్యం తయారీ లేదా అనుమానాస్పద కార్యకలాపాలపై పోలీసులకు సమాచారం అందించాలని సూచించారు. సమాచారం అందించిన వారి వివరాలు గోప్యంగా ఉంచుతామని భరోసా ఇచ్చారు.
ఈ కార్యక్రమంలో నిర్మల్ డీఎస్పీ శ్రీనివాస్, భైంసా ఏఎస్పీ సాయి కిరణ్ ఐపీఎస్, పలువురు ఇన్స్పెక్టర్లు, ఎస్ఐలు మరియు జిల్లా వ్యాప్తంగా పోలీసు అధికారులు, సిబ్బంది పాల్గొన్నారు.
